मुंबई: राज्यात प्रयोगात्मक कलांचे सखोल संशोधन आणि अभ्यास करता यावा, या उद्देशाने राज्य शासनाच्या सांस्कृतिक कार्य विभागातर्फे पु. ल. देशपांडे कला अकादमीत एक स्वतंत्र संशोधन केंद्र सुरू करण्यात येणार आहे. या केंद्राला ज्येष्ठ लोककलावंत शाहीर साबळे यांचे नाव देण्यात येणार असल्याची माहिती राज्याचे सांस्कृतिक कार्यमंत्री आशीष शेलार यांनी आज दिली.
मुंबईतील मंत्रालय सांस्कृतिक कार्य विभागाकडे नाटक, लोककला, संगीत, नृत्य अशा विविध प्रयोगात्मक कलांची माहिती सध्या उपलब्ध आहे. मात्र, त्याचे वर्गीकरण, विश्लेषण आणि त्यावर अधिक संशोधन होणे आवश्यक आहे. या नव्या संशोधन केंद्राच्या माध्यमातून हे काम केले जाईल, ज्यामुळे राज्यातील तसेच राज्याबाहेरील पदवी, पदव्युत्तर आणि पीएचडी करणाऱ्या विद्यार्थ्यांना मोठा फायदा होणार आहे.
मंत्री शेलार यांनी विभागाला या संशोधन केंद्राचा प्रारूप आराखडा (Draft Blueprint) तयार करण्याचे निर्देश दिले आहेत. या केंद्राच्या स्थापनेमुळे महाराष्ट्रातील कला आणि संस्कृतीच्या अभ्यासाला नवी दिशा मिळेल, अशी अपेक्षा आहे.
Experimental Arts, Research Center, Maharashtra Government, P.L. Deshpande Kala Academy, Cultural Affairs
#MaharashtraCulture #ArtResearch #ShahirSable #PLDeshpandeAcademy #AshishShelar
Reviewed by ANN news network
on
६/२०/२०२५ ०८:३८:०० AM
Rating:
कोणत्याही टिप्पण्या नाहीत: