मीमीज आईस्क्रीम्स वॉको फूड कंपनीचा भाग; ग्राहकांना मिळणार नाविन्यपूर्ण डेझर्ट अनुभव

वॉको फूड कंपनीचा 'मीमीज आईस्क्रीम्स'चे अधिग्रहण करून आर्टिसनल डेझर्ट मार्केटमध्ये मोठा विस्तार

पुणे, २४ जून २०२५: भारतातील वेगाने वाढणाऱ्या प्रीमियम आईस्क्रीम आणि डेझर्ट ब्रँड्सपैकी एक असलेल्या वॉको फूड कंपनीने 'मीमीज आईस्क्रीम्स'चे अधिग्रहण केल्याची घोषणा केली आहे. या धोरणात्मक निर्णयामुळे वॉको कंपनीने भारतातील गतिमान आर्टिसनल डेझर्ट मार्केटमध्ये आपला प्रवेश आणखी मजबूत केला असून, त्यांच्या नाविन्यपूर्ण आणि हाताने तयार केलेल्या उत्पादनांच्या पोर्टफोलिओला अधिक बळकटी दिली आहे.

मुंबईत स्थापन झालेल्या मीमीजने आपल्या हटके आणि उच्च-गुणवत्तेच्या 'टोस्टीज', 'आईस्क्रीम केक्स', 'रोलीज' आणि 'टबस्टर्स' यांसारख्या उत्पादनांमुळे शहरी तरुण ग्राहकांमध्ये एक विशेष ओळख आणि विश्वासू चाहतावर्ग निर्माण केला आहे. मीमीजची ओळख त्याच्या खेळकर शैली, ठळकपणे जाणवणारी चव आणि प्रयोगशील स्वरूपासाठी आहे. या अधिग्रहणामुळे वॉको कंपनी शहरी बाजारपेठेत आपले स्थान मजबूत करणार असून, सुरुवातीच्या टप्प्यात डायरेक्ट टू कनझ्यूमर (D2C) चॅनेल्समध्ये वाढीला चालना देण्याचा प्रयत्न करत आहे.

वॉको फूड कंपनीचे संचालक श्री. राज भंडारी यांनी या अधिग्रहणाबद्दल बोलताना सांगितले, "हे अधिग्रहण म्हणजे डेझर्ट वापराच्या दिशेने एक धोरणात्मक पाऊल आहे. ग्राहकांची पसंती आता अस्सलता आणि नाविन्यपूर्ण, अनुभवात्मक आनंदाकडे वळत असताना, मीमीजची जोशपूर्ण ऊर्जा आणि नाविन्यपूर्ण दृष्टिकोन आमच्या दृष्टिकोनाशी सुसंगत आहे." वॉकोची देशभरातील मजबूत उपस्थिती, डिजिटल-फर्स्ट वितरण मॉडेल आणि संशोधन व विकास क्षमता यांच्या जोरावर ग्राहकांना एक अविस्मरणीय डेझर्ट अनुभव देण्यास कंपनी सज्ज असल्याचा विश्वास त्यांनी व्यक्त केला.

भारताचे ४४,००० कोटी रुपयांचे (५.३३ अब्ज अमेरिकन डॉलर) आईस्क्रीम मार्केट २०२८ पर्यंत सुमारे ११% च्या वार्षिक चक्रवाढ वाढीच्या दराने (CAGR) वाढण्याचा अंदाज आहे. १०० हून अधिक शहरांमध्ये मजबूत पायाभूत सुविधा असलेल्या वॉकोकडे मीमीजला या वाढत्या बाजारपेठेत यशस्वीपणे प्रवेश मिळवून देण्याची मोठी संधी आहे. वॉकोचे प्रमुख ब्रँड्स जसे की NIC आईस्क्रीम, ग्रामीण कुल्फी आणि मिमो आईस्क्रीम हे स्विगी, झोमॅटो, झेप्टो, ब्लिंकिट, अॅमेझॉन फ्रेश आणि जिओ मार्ट यांसारख्या आधुनिक रिटेल स्टोअर्स आणि डिजिटल प्लॅटफॉर्मवर त्यांच्या अनोख्या सिंगल-ब्रँड वितरण नेटवर्कद्वारे मोठ्या प्रमाणावर उपलब्ध आहेत.

मीमीजच्या संस्थापिका मेहा अग्रवाल यांनी वॉकोसोबतच्या या भागीदारीला मीमीजसाठी एक महत्त्वाचे पाऊल ठरवले. त्या म्हणाल्या, "वॉकोच्या दृष्टीकोनामुळे आणि वितरण कौशल्यामुळे आम्हाला नाविन्यपूर्ण चव तयार करण्यावर लक्ष केंद्रित करता येत आहे, ज्यामुळे डेझर्टप्रेमींना आनंद मिळेल आणि आम्ही भारतभरातील ग्राहकांच्या हृदयापर्यंत पोहोचू शकू."

२०१२ मध्ये जितेंद्र भंडारी, संजीव शाह आणि राज भंडारी यांनी स्थापन केलेल्या वॉको फूड कंपनीने NIC, ग्रामीण कुल्फी, कॅफे चोकोलेड, मिमो आणि क्रीम पॉट यांसारख्या ब्रँड्स अंतर्गत प्रीमियम आईस्क्रीम्स, कुल्फी, फ्रोजन डेझर्ट्स आणि थिक शेक्सचा वैविध्यपूर्ण पोर्टफोलिओ तयार केला आहे.