पिंपरी चिंचवड: बेकायदेशीरपणे घातक शस्त्रे बाळगणाऱ्या एका व्यक्तीला हिंजवडी पोलिसांनी अटक केली आहे. आरोपीकडून ५१ हजार रुपये किमतीचे देशी बनावटीचे पिस्तूल आणि एक जिवंत काडतूस जप्त करण्यात आले आहे.
या प्रकरणी अंमली पदार्थ विरोधी पथकाचे शिपाई कपिलेश कृष्णा इगवे (वय ३४) यांच्या तक्रारीनंतर ही कारवाई झाली. अटक केलेला आरोपी गणेश सुनिल मोरे (वय ३३, रा. भुगाव माताळवाडी फाटा, ता. मुळशी) आहे.
गुरुवार (६ जून २०२५) रात्री ८ वाजण्याच्या सुमारास माणगाव परिसरातील माण ते म्हाळुंगे रोडवर गोदरेज सोसायटीसमोर ही कारवाई करण्यात आली. आरोपी गणेश मोरे याच्याकडे देशी बनावटीचे पिस्तूल आणि एक जिवंत काडतूस सापडले.
हिंजवडी स्टेशनमध्ये गुन्हा क्रमांक २८३/२०२५ दाखल करण्यात आला आहे. भारतीय हत्यार कायदा कलम ३(२५) - अवैध शस्त्र बाळगणे आणि महाराष्ट्र अधिनियम १९४९ चे कलम ३७(१)(३), १३५ - मनाई आदेशाचा भंग या कलमांअन्वये आरोप ठेवण्यात आले आहेत.
प्रकरणाचा पुढील तपास उपनिरीक्षक कांदे करत आहेत.
- ---------------------------------------------------------------------------------------------------------------------Crime, Illegal Arms, Pistol, Arrest, Pimpri Chinchwad, Police Action
- #PimpriChinchwadCrime, #IllegalArms, #PistolSeizure, #Arrest, #HinjawadiPolice
Reviewed by ANN news network
on
६/०७/२०२५ ०५:३२:०० PM
Rating:
कोणत्याही टिप्पण्‍या नाहीत: