पुणे, पिंपरी चिंचवड गुन्हेवृत्त दिनांक ०१ जुलै २०२५

जेसीबी रस्त्याच्या कडेला घेण्याच्या क्षुल्लक कारणावरून पिकअप चालकाला मारहाण.

पिंपरी-चिंचवड: चरौली, पुणे येथील रानजत्रा हॉटेलसमोरील ओढ्याच्या कच्च्या रोडवर २७ जून २०२५ रोजी सायंकाळी १७:१५ वाजताच्या सुमारास जेसीबी रस्त्याच्या कडेला घेण्याच्या वादातून मारामारी झाल्याची घटना घडली आहे. पंढरीनाथ रामचंद्र खेडकर (वय ५५, धंदा शेती, रा. चरौली, पुणे) यांनी या प्रकरणी फिर्याद दिली आहे.

फिर्यादी जेसीबीच्या सहाय्याने रस्त्याचे काम करत असताना, आरोपी (१) अभिषेक तापकीर, (२) निलेश काळजे, (३) शाम काटे, (४) अक्षय तापकीर (सर्व रा. चरौली, पुणे) पिकअप गाडीतून येऊन जोरात हॉर्न वाजवून "आम्ही याच रस्त्यावरून जाणार, पहिला मार विसरला का" असे बोलू लागले. आरोपींनी फिर्यादीला शिवीगाळ करून ठोशा-बुक्क्यांनी मारहाण केली. तसेच, आरोपी क्र. ४ अक्षय तापकीर याने फिर्यादीच्या डोक्यात दगडाने मारून जखमी केले. फिर्यादींचा मुलगा अनूप खेडकर भांडणे सोडवण्यासाठी आला असता, आरोपींनी त्यालाही ठोशा-बुक्क्यांनी मारहाण केली आणि आरोपी क्र. ४ ने त्याच्या डोक्यात दगडाने मारून जखमी केले. आरोपी अद्याप अटक नाहीत.

या प्रकरणी दिघी पोलीस स्टेशनमध्ये २९ जून २०२५ रोजी सकाळी ११:५६ वाजता गुन्हा क्र. २७९/२०२५ अंतर्गत भारतीय न्याय संहिता कलम ३२३ (२), ३२४ (४), ३५२, ३ (४) अन्वये गुन्हा दाखल करण्यात आला आहे. पोलीस उपनिरीक्षक रहाणे या प्रकरणाचा पुढील तपास करत आहेत.

Assault, Road Rage, Charholi Police, Pimpri Chinchwad, Stone Attack, Injury.

A man and his son were severely injured in Charholi, Pimpri Chinchwad, after being assaulted with stones by four individuals over a dispute about moving a JCB.

#Charholi #Assault #RoadRage #PuneCrime #PimpriChinchwadPolice #StoneAttack

आळंदीमध्ये शाळेच्या आवारात घुसून शिक्षकाला मारहाण आणि धमकी

पिंपरी-चिंचवड: आळंदी, पुणे येथील अंशुल इंटरनॅशनल इंग्लिश मीडियम स्कूलच्या आवारात २९ जून २०२५ रोजी सकाळी ०९:३० वाजताच्या सुमारास एका शिक्षकाला मारहाण करून धमकी दिल्याचा प्रकार समोर आला आहे. शिवाजी भिकनराव जाधव (वय ३८, धंदा नोकरी, रा. आळंदी, पुणे) यांनी या प्रकरणी फिर्याद दिली आहे.

फिर्यादी त्यांच्या शाळेत असताना, आरोपी (१) मुंजाजी प्रल्हाद काळबांडे, (२) प्रभाकर मारोतराव दुधाटे, (३) अनंता पांडुरंग काळबांडे, (४) राजु गणेश काळबांडे, (५) आदिनाथ सोपान काचोळे आणि (६) कन्हैया मुंजाजी काळबांडे (सर्व रा. आळंदी, पुणे) हे शाळेच्या आवारात खड्डा खोदत होते. फिर्यादीने त्यांना जाब विचारला असता, आरोपी क्र. १ मुंजाजी काळबांडे हा त्याच्या हातात असलेला खोरा घेऊन फिर्यादीच्या अंगावर धावून आला. आरोपींनी चिडून जाऊन फिर्यादीला शिवीगाळ केली आणि फिर्यादीचे हातपाय धरून शाळेच्या ओट्यावर नेऊन लाथा-बुक्क्यांनी मारहाण करून ढकलून दिले व जखमी केले. आरोपींनी "आमच्या नादाला लागू नकोस, नाहीतर तुला जिवंत सोडणार नाही" अशी धमकी दिली आहे. तसेच, आरोपी क्र. १ ने फिर्यादीला सर्वांसमक्ष अश्लील शिवीगाळ केली. आरोपी अद्याप अटक नाहीत.

या प्रकरणी आळंदी पोलीस स्टेशनमध्ये २९ जून २०२५ रोजी सायंकाळी १८:०१ वाजता गुन्हा क्र. २७२/२०२५ अंतर्गत भारतीय न्याय संहिता कलम ११५ (२), ३५२, ३५१ (३), १८९ (२), १९१ (२), १९०, २९६, १३१ प्रमाणे गुन्हा दाखल करण्यात आला आहे. पोलीस हवालदार गभाले या प्रकरणाचा पुढील तपास करत आहेत.

Assault, School Violence, Alandi Police, Pimpri Chinchwad, Threat, Public Nuisance.

A school teacher in Alandi, Pimpri Chinchwad, was assaulted and threatened by six individuals, including Munaji Pralhad Kalbande, for questioning their digging activity on school premises.

#Alandi #SchoolViolence #Assault #PuneCrime #PimpriChinchwadPolice #Threat

भोसरीमध्ये ट्रकच्या धडकेने एकाचा मृत्यू, दोघे गंभीर जखमी

पिंपरी-चिंचवड: एमआयडीसी भोसरी, पुणे येथील नाशिक पुणे हायवे रोड, काजळे पेट्रोल पंप चौक, बो-हाडेवाडी, मोशी येथे २९ जून २०२५ रोजी सकाळी ०८:५५ वाजताच्या सुमारास एका भीषण अपघातात एकाचा मृत्यू होऊन दोघे गंभीर जखमी झाले आहेत. उमेश प्रविण माळी (वय २२, धंदा खाजगी नोकरी, रा. कुरूळी, पुणे) यांनी या प्रकरणी फिर्याद दिली आहे.

फिर्यादीनुसार, त्यांचे दाजी भूपेंद्र रमेश महाजन (वय ३३), बहीण कोमल भूपेंद्र महाजन (वय २६) आणि भाची प्रांजल भूपेंद्र महाजन (वय ०४) असे त्यांची टी.व्ही.एस. मोटारसायकल (क्र. एम.एच.१४/जे.क्यू. ७९०५) वरून कुरूळी ते रावेत असा प्रवास नाशिक पुणे हायवेने करत होते. यावेळी, टाटा ट्रक (क्र. एम.एच.१४/के.क्यू. ४२१९) वरील चालक आरोपी नरेश बाळासाहेब चौरे (वय २६, रा. हिंजवडी, पुणे) याने त्याच्या ताब्यातील ट्रक हयगयीने, भरधाव वेगात व वाहतुकीचे नियमांकडे दुर्लक्ष करून कोणताही सिग्नल न देता अचानक डावीकडे वळवला.

यामुळे ट्रकने फिर्यादीच्या दाजीच्या मोटारसायकलला धडक दिली. या धडकेत दाजीच्या डोक्यावरून ट्रकचे चाक गेले, बहिणीच्या दोन्ही पायांवरून ट्रकचे चाक गेले आणि भाची खाली पडून फरफटत गेली. यात दाजी भूपेंद्र महाजन यांचा मृत्यू झाला, बहिणीचे दोन्ही पाय फॅक्चर झाले आणि भाची जखमी झाली. तसेच, त्यांच्या मोटारसायकलचेही नुकसान झाले आहे. आरोपी नरेश बाळासाहेब चौरे याला अटक करण्यात आली आहे.

या प्रकरणी एमआयडीसी भोसरी पोलीस स्टेशनमध्ये २९ जून २०२५ रोजी दुपारी १४:२६ वाजता गुन्हा क्र. ३५८/२०२५ अंतर्गत भारतीय न्याय संहिता कलम १०६ (१), १२५ (अ), ३२४ (४), २८१, ३२४ (४), मोटार वाहन कायदा कलम १८४, ११९, १७७ प्रमाणे गुन्हा दाखल करण्यात आला आहे. पोलीस उपनिरीक्षक अंगज या प्रकरणाचा पुढील तपास करत आहेत.

Fatal Accident, Road Accident, MIDC Bhosari Police, Pimpri Chinchwad, Reckless Driving, Truck Accident.

One person died and two were severely injured in a truck accident on Nashik Pune Highway near MIDC Bhosari, Pimpri Chinchwad, caused by reckless driving.

#MIDCBhosari #FatalAccident #RoadAccident #PuneRoads #RecklessDriving #PimpriChinchwadPolice

चाकणमध्ये मोटारसायकलच्या धडकेने पादचारी गंभीर जखमी

पिंपरी-चिंचवड: चाकण, पुणे येथील पुणे नाशिक महामार्ग, आय ए आय कंपनी समोर, बंगला वस्ती डिव्हायडर पाशी २८ जून २०२५ रोजी सकाळी ०९:३० वाजताच्या सुमारास एका अज्ञात मोटारसायकलच्या धडकेने पादचारी गंभीर जखमी झाल्याची घटना घडली आहे. सुरेश नंदू जावरकर (वय २२, रा. चाकण, पुणे, मूळ रा. मध्य प्रदेश) यांनी या प्रकरणी फिर्याद दिली आहे.

फिर्यादी पुणे नाशिक हायवेवर चाकण बाजूकडून पुणे बाजूकडे जाणारे अज्ञात मोटारसायकलवरील चालकाने त्याच्या ताब्यातील वाहन हयगयीने चालवून रस्त्याच्या परिस्थितीकडे दुर्लक्ष केले. फिर्यादी रस्ता क्रॉस करत असताना अचानक जोरदार धडक दिल्याने त्यांच्या उजव्या पायाच्या गुडघ्याच्या खाली नडगीस गंभीर दुखापत होऊन पाय फॅक्चर झाला. आरोपी न थांबता निघून गेला आहे. आरोपी अद्याप अज्ञात आहेत.

या प्रकरणी चाकण पोलीस स्टेशनमध्ये २९ जून २०२५ रोजी दुपारी १३:०७ वाजता गुन्हा क्र. ४३५/२०२५ अंतर्गत भारतीय न्याय संहिता कलम ३३८ (२), ३३८ (४), ३३७ (२), ३३७ (५), मोटार वाहन कायदा कलम १८४, १७७, १३४ प्रमाणे गुन्हा दाखल करण्यात आला आहे. पोलीस हवालदार बांगर या प्रकरणाचा पुढील तपास करत आहेत.

Road Accident, Hit and Run, Chakan Police, Pimpri Chinchwad, Pedestrian Injury, Fracture.

A pedestrian suffered a fractured leg after being hit by an unknown motorcycle on Pune Nashik Highway near Chakan, Pimpri Chinchwad.

#Chakan #RoadAccident #HitAndRun #PuneRoads #PedestrianSafety #PimpriChinchwadPolice

पिंपरीमध्ये घरकाम करणाऱ्या महिलेने ५० हजार रुपयांचे मंगळसूत्र चोरले

पिंपरी-चिंचवड: आकुर्डी, पुणे येथील डी ५०२, ऐश्वर्यम वेंचर्स, अडवाणी ओर्लिकोन रोड येथे १४ जून २०२५ रोजी रात्री ११:०० ते १५ जून २०२५ रोजी रात्री ०९:०० वाजताच्या दरम्यान घरकाम करणाऱ्या महिलेकडून मंगळसूत्र चोरीला गेल्याची घटना घडली आहे. अंकित कुमार (वय ३३, धंदा नोकरी, रा. आकुर्डी, पुणे) यांनी या प्रकरणी फिर्याद दिली आहे.

फिर्यादीनुसार, त्यांच्या राहत्या घरात काम करणारी महिला आरोपी (वय ३५, अटक आहे) हिने फिर्यादीच्या संमतीशिवाय आणि लबाडीच्या इराद्याने तिच्या आर्थिक फायद्यासाठी फिर्यादीचे १० ग्रॅम वजनाचे ५०,०००/- रुपये किमतीचे मंगळसूत्र चोरी करून नेले आहे. आरोपी महिला अटकेत आहे.

या प्रकरणी पिंपरी पोलीस स्टेशनमध्ये २९ जून २०२५ रोजी सायंकाळी १७:३० वाजता गुन्हा क्र. २९०/२०२५ अंतर्गत भारतीय न्याय संहिता कलम ३०६ प्रमाणे गुन्हा दाखल करण्यात आला आहे. सहाय्यक पोलीस फौजदार हांडे या प्रकरणाचा पुढील तपास करत आहेत.

Theft, Domestic Theft, Pimpri Police, Pimpri Chinchwad, Gold Mangalsutra, Housekeeping Crime.

A woman working as a housekeeper was arrested in Akurdi, Pimpri Chinchwad, for stealing a gold mangalsutra worth ₹50,000 from her employer's home.

#Pimpri #Theft #MangalsutraTheft #PuneCrime #DomesticTheft #PimpriChinchwadPolice

दिघीमध्ये बांधकाम साईटवरून २.२० लाखांच्या ॲल्युमिनियम प्लेट्सची चोरी

पिंपरी-चिंचवड: डुडुळगाव केळगाव, ता. हवेली, जि. पुणे येथील श्रीशा आयकॉनच्या बांधकामाच्या ठिकाणी २६ जून २०२५ रोजी रात्री ०९:०० ते २७ जून २०२५ रोजी सकाळी ०९:०० वाजताच्या दरम्यान ॲल्युमिनियम प्लेट्स चोरीला गेल्याची घटना घडली आहे. संदीप भानुदास गावडे (वय ३५, रा. मोशी, पुणे) यांनी या प्रकरणी फिर्याद दिली आहे.

फिर्यादीनुसार, श्रीशा आयकॉनच्या बांधकामाच्या ठिकाणावरून फिर्यादीच्या २,२०,०००/- रुपये किमतीच्या एकूण ११ ॲल्युमिनियम प्लेट्स कोणीतरी अज्ञात चोरट्याने फिर्यादीच्या संमतीशिवाय आणि लबाडीच्या इराद्याने स्वतःच्या आर्थिक फायद्यासाठी चोरी करून नेल्या आहेत.

या प्रकरणी दिघी पोलीस स्टेशनमध्ये २९ जून २०२५ रोजी दुपारी १३:१४ वाजता गुन्हा क्र. २८०/२०२५ अंतर्गत भारतीय न्याय संहिता कलम ३०३ (२) प्रमाणे गुन्हा दाखल करण्यात आला आहे. तपासात निष्पन्न झालेले आरोपी: (१) किरण महादेव गिरी (वय ३८, रा. मोशी, पुणे), (२) संदीप शिवाजी काळजे (वय ३४, रा. आळंदी, पुणे), (३) दिपक टेक राना (वय ३३, रा. आळंदी, पुणे) आणि (४) जान मोहम्मद रेफाकत अली सिद्दीकी (वय ४०, रा. कुदळवाडी, पुणे) यांना अटक करण्यात आली आहे. पोलीस उपनिरीक्षक बहिरट या प्रकरणाचा पुढील तपास करत आहेत.

Theft, Construction Site Theft, Dighi Police, Pimpri Chinchwad, Aluminum Plates, Arrest.

Eleven aluminum plates worth ₹2.20 lakhs were stolen from the Srisha Icon construction site in Dudulgaon, Dighi, Pimpri Chinchwad; four suspects arrested.

#Dighi #Theft #ConstructionSite #PuneCrime #PimpriChinchwadPolice #Arrest

चिक्की खरेदीच्या बहाण्याने महिलेचे मंगळसूत्र लांबवले

पुणे: थेऊर येथील काकडे मळा रोडवरील निलेश किराणा स्टोअर्सजवळ एका महिलेच्या गळ्यातील ४०,०००/- रुपये किमतीचे सोन्याचे मंगळसूत्र जबरदस्तीने हिसकावून चोरून नेल्याची घटना २९ जून २०२५ रोजी सायंकाळी ५:३० ते ६:०० वाजण्याच्या सुमारास घडली आहे.

फिर्यादी ४८ वर्षीय महिला (रा. काकडे मळा रोड, थेऊर, ता. हवेली, जि. पुणे) त्यांच्या किराणा मालाच्या दुकानात विक्री करत असताना, दोन अनोळखी इसमांनी चिक्की खरेदी करण्याच्या बहाण्याने दुकानात प्रवेश केला. त्यांनी महिलेचा विश्वास संपादन करून, संधी साधत त्यांच्या गळ्यातील मंगळसूत्र हिसकावले आणि घटनास्थळावरून पळ काढला.

या प्रकरणी लोणीकाळभोर पोलीस स्टेशनमध्ये गुन्हा दाखल करण्यात आला आहे. पोलीस उपनिरीक्षक अनिल जाधव हे पुढील तपास करत आहेत. आरोपी अजूनही फरार असून, पोलीस त्यांचा शोध घेत आहेत.

एमएनजीएलचे कनेक्शन कट करण्याच्या धमकीने ४.९५ लाखांची फसवणूक

पुणे: कर्वेनगर, पुणे येथे राहणाऱ्या ७२ वर्षीय महिलेची मोबाईल धारकाने व्हॉट्सॲप कॉल करून एमएनजीएलचे कस्टमर केअर ऑफीसमधून बोलत असल्याचे सांगून ४,९५,००७/- रुपयांची आर्थिक फसवणूक केली आहे. ही घटना २२ जुलै २०२४ रोजी सकाळी ६:०० वाजता ऑनलाईन माध्यमातून घडली.

आरोपी मोबाईल धारकाने फिर्यादी महिलेला एमएनजीएलचे कनेक्शन कट करणार असल्याची धमकी दिली आणि त्यांचा विश्वास संपादन केला. त्यानंतर महिलेला मोबाईलमध्ये एक फाईल डाऊनलोड करण्यास सांगितले, ज्यानंतर महिलेचा मोबाईल हॅक करण्यात आला. मोबाईल हॅक होताच, आरोपीने महिलेच्या खात्यातून ४,९५,००७/- रुपये काढून घेऊन फसवणूक केली.

या प्रकरणी अलंकार पोलीस स्टेशनमध्ये गुन्हा दाखल करण्यात आला असून, आरोपी मोबाईल धारकास अद्याप अटक करण्यात आलेली नाही. पोलीस निरीक्षक (गुन्हे) श्री. माने या प्रकरणाचा पुढील तपास करत आहेत.

कात्रज जुन्या बोगद्याजवळ अज्ञात वाहनाच्या धडकेत एकाचा मृत्यू

पुणे: कात्रज जुन्या बोगद्याजवळ एका अज्ञात वाहनचालकाने एका अनोळखी इसमास धडक देऊन गंभीर जखमी केले, ज्यामुळे त्याचा मृत्यू झाला. ही घटना २८ जून २०२५ रोजी रात्री ११:३० वाजण्याच्या सुमारास घडली.

अज्ञात वाहनचालकाने वाहतुकीचे नियम धाब्यावर बसवून हा अपघात घडवून आणला आणि अपघातानंतर घटनास्थळी न थांबता, अपघाताची माहिती न देता पळ काढला. मयत इसमाचे वय अंदाजे ३५ ते ४० वर्षे असून, त्याचे नाव व पत्ता अद्याप अज्ञात आहे.

या प्रकरणी कोंढवा पोलीस स्टेशनचे सहायक पोलीस उपनिरीक्षक कैलास आखुटे यांनी फिर्याद दिली असून, आंबेगाव पोलीस स्टेशनमध्ये अज्ञात वाहनचालकाविरुद्ध गुन्हा दाखल करण्यात आला आहे. पोलीस उपनिरीक्षक रतिकांत कोळी हे पुढील तपास करत आहेत.

टेम्पो-ट्रेलरच्या धडकेत चालकाचा मृत्यू, क्लिनर जखमी

पुणे: लोणीकंद येथील खंडोबा माळ परिसरात २९ जून २०२५ रोजी पहाटे २:३० वाजण्याच्या सुमारास एका भीषण अपघातात टेम्पो चालकाचा जागीच मृत्यू झाला असून, त्याच्यासोबत असलेला क्लिनर गंभीर जखमी झाला आहे.

सांगोला, जि. सोलापूर येथील रहिवासी असलेल्या एका ३७ वर्षीय इसमाने दिलेल्या फिर्यादीनुसार, केसनंद रोडने लोणीकंद मार्गे नगर रोडकडे जात असताना, ईश्वर बाळासाहेब उगले (वय ३४ वर्षे, रा. गोगलगाव, ता. राहता, जि. अहिल्यानगर) याने त्याच्या ताब्यातील टेम्पो वाहतुकीच्या नियमांकडे दुर्लक्ष करून, हयगयीने, अविचाराने आणि भरधाव वेगात चालवला. त्याने फिर्यादींच्या ट्रेलरला पाठीमागून जोरदार धडक दिली, ज्यामुळे स्वतःच्या मृत्यूस तो कारणीभूत ठरला.

या घटनेत टेम्पोतील क्लिनर गंभीर जखमी झाला आहे. लोणीकंद पोलीस स्टेशनमध्ये गुन्हा दाखल करण्यात आला असून, वरिष्ठ पोलीस निरीक्षक श्री. युवराज हांडे या प्रकरणाचा पुढील तपास करत आहेत.

रांका ज्वेलर्समधून ५.२२ लाखांच्या सोन्याच्या बांगड्यांची चोरीे

पुणे: कोंढवा येथील रांका ज्वेलर्स, तालाब मशीदजवळ २२ जून २०२५ रोजी सायंकाळी ७:३० वाजण्याच्या सुमारास दोन अनोळखी बुरखाधारी महिलांनी ५,२२,०००/- रुपये किमतीच्या सोन्याच्या बांगड्या चोरून नेल्याची घटना घडली आहे.

या प्रकरणी ३६ वर्षीय फिर्यादी (रा. कात्रज कोंढवा रोड, पुणे), जे दुकानात व्यवस्थापक म्हणून नोकरीस आहेत, यांनी तक्रार दाखल केली आहे. आरोपी महिला सोन्याच्या बांगड्या घेण्याच्या बहाण्याने दुकानात आल्या होत्या. फिर्यादी दुसरे दागिने दाखवण्यासाठी मागे वळले असता, त्यापैकी एका महिलेने बांगड्यांच्या ट्रेमधून सोन्याच्या बांगड्या चोरल्या आणि दुसऱ्या महिलेने त्याजागी बनावट बांगड्यांचा सेट ठेवला.

कोंढवा पोलीस स्टेशनमध्ये या प्रकरणी गुन्हा दाखल करण्यात आला असून, आरोपी महिलांना अद्याप अटक करण्यात आलेली नाही. सहायक पोलीस निरीक्षक सचिन थोरात या प्रकरणाचा पुढील तपास करत आहेत.

भेकराईनगर येथील घरातून २.९७ लाखांचे दागिने चोरले

पुणे: भेकराईनगर, तुकाईदर्शन, देशमुख कॉलनी, पुणे येथील एका राहत्या घरातून २,९७,०००/- रुपये किमतीचे सोन्याचे दागिने चोरीला गेल्याची घटना २९ जून २०२५ रोजी सकाळी ८:३० वाजण्याच्या सुमारास घडली आहे.

या प्रकरणी ३० वर्षीय फिर्यादी (रा. भेकराईनगर, पुणे) यांनी तक्रार दाखल केली आहे. अज्ञात चोरट्याने फिर्यादींच्या राहत्या घरातील उघड्या दरवाज्यातून आत प्रवेश केला. हॉलमधील खुंटीला अडकवलेल्या फिर्यादींच्या पत्नीच्या पर्समध्ये ठेवलेले सोन्याचे दागिने चोरून नेले.

फुरसुंगी पोलीस स्टेशनमध्ये अज्ञात आरोपीविरुद्ध गुन्हा दाखल करण्यात आला आहे. पोलीस अंमलदार काळे या प्रकरणाचा पुढील तपास करत आहेत.