पिंपरी चिंचवड: चिखली येथील चिंतामणीनगरमध्ये घरगुती गॅस सिलिंडरमधून लहान सिलिंडरमध्ये अवैध गॅस रिफिलिंग करणाऱ्या दोन आरोपींना पोलिसांनी अटक केली आहे. या कारवाईत एकूण ३४,०७०/- रुपये किमतीचा मुद्देमाल जप्त करण्यात आला आहे.
या प्रकरणी निरीक्षक चेतन दत्तात्रय सावंत (वय ४२ वर्षे, नाईक, चिखली स्टेशन, पिंपरी चिंचवड) यांनी तक्रार दिली आहे. अटक करण्यात आलेल्या आरोपींमध्ये अभिषेक विरभद्र स्वामी (वय २४ वर्षे, रा. कुंदन गायकवाड यांचे रुममध्ये भाड्याने, पाटीलनगर चिखली, पुणे, मूळ रा. लासुना, ता. देवणी, जि. लातुर) आणि प्रदीप दिगंबर उपासे (वय २२ वर्षे, रा. कुंदन गायकवाड यांचे रुममध्ये भाड्याने, पाटीलनगर चिखली, पुणे, मूळ रा. लासुना, ता. देवणी, जि. लातुर) यांचा समावेश आहे.
दि. ०९/०६/२०२५ रोजी सायंकाळी ०५:५० वाजण्याच्या सुमारास डायमंड चौकातून चिखली गावाकडे जाणाऱ्या रोडलगत, प्रदीप फुटवेअर शेजारील गाळ्यांमध्ये, चिंतामणीनगर, चिखली, पुणे येथील शॉपमध्ये ही कारवाई करण्यात आली. आरोपी अभिषेक स्वामी याने आरोपी प्रदीप उपासे याच्या सांगण्यावरून आपसात संगनमत करून, कसलाही परवाना नसताना घरगुती वापराच्या भरलेल्या गॅस सिलिंडरमधून नवजलच्या सहाय्याने अवैधरित्या, कोणतीही खबरदारी न घेता लहान सिलिंडरमध्ये गॅस काढत असताना त्यांना पकडले. मानवी जीवितास धोका निर्माण होईल हे माहित असूनही, ज्वालाग्राही पदार्थाबाबत पुरेसा बंदोबस्त करण्याचे जाणीवपूर्वक टाळून त्यांनी हे कृत्य केले. त्यांच्या ताब्यात एकूण ०५ घरगुती वापराचे आणि १० लहान गॅस सिलिंडर टाक्या, गॅस रिफिल करण्याचे साहित्य, इलेक्ट्रीक वजनकाटा असा एकूण ३४,०७०/- रुपये किंमतीचा मुद्देमाल मिळून आला.
या प्रकरणी चिखली स्टेशनमध्ये गुन्हा क्रमांक ३०५/२०२५ अन्वये भारतीय न्याय संहिता २०२३ कलम २८७ (जिवीत धोक्यात आणणारा निष्काळजीपणा), २८८ (इमारतींशी संबंधित निष्काळजीपणा), ३ (४) (गुन्हेगारी कट) सह जीवनावश्यक वस्तूचा कायदा १९५५ चे कलम ३, ७ आणि स्फोटक पदार्थ अधिनियम सन १९०८ चे कलम ५ प्रमाणे गुन्हा दाखल करण्यात आला आहे.
पुढील तपास सहाय्यक निरीक्षक खारगे करत आहेत.
- -------------------------------------------------------------------------------------------------------------- Illegal Gas Refilling, Crime, Arrest, Chikhali, Pimpri Chinchwad, Public Safety
- #IllegalGas, #ChikhaliCrime, #PimpriChinchwad, #Arrest, #PublicSafety
Reviewed by ANN news network
on
६/११/२०२५ ०७:५५:०० AM
Rating:
कोणत्याही टिप्पण्या नाहीत: