सोनी इंडियाने सादर केला फ्लॅगशिप Alpha™ 1 II कॅमेरा; व्यावसायिक छायाचित्रकारांसाठी गेमचेंजर

नवी दिल्ली, २३ जून २०२५: सोनी इंडियाने आज आपला नवीन फ्लॅगशिप फुल-फ्रेम मिररलेस इंटरचेंजेबल लेन्स कॅमेरा, Alpha™ 1 II, सादर केला. सोनीच्या अत्याधुनिक AI प्रोसेसिंग युनिटने (कृत्रिम बुद्धिमत्ता प्रक्रिया युनिट) समर्थित असलेला हा कॅमेरा उच्च रिझोल्यूशन, उत्कृष्ट वेग आणि प्रगत AI ओळख क्षमता यांचा मिलाफ साधतो, ज्यामुळे तो व्यावसायिक छायाचित्रकार आणि व्हिडिओग्राफर्ससाठी एक गेमचेंजर ठरणार आहे.

सोनीच्या इमेजिंग व्यवसायाचे प्रमुख, मुकेश श्रीवास्तव म्हणाले, “Alpha 1 II हा डिजिटल इमेजिंग श्रेणीतील व्यावसायिक क्षेत्रात सोनीच्या नेतृत्वाचा परिपाक आहे. उच्च रिझोल्यूशन, उत्कृष्ट वेग, प्रगत AI-समर्थित सब्जेक्ट रेकग्निशन आणि विनाअडथळा वर्कफ्लो एन्हान्समेंट्सच्या मिश्रणाने हे प्रमुख मॉडेल उद्योगक्षेत्रासाठी नवीन मापदंड प्रस्थापित करते. आधुनिक व्हिज्युअल स्टोरीटेलिंगसाठी आवश्यक असलेले सर्जनशील स्वातंत्र्य आणि विश्वासार्हता देण्याच्या उद्देशाने हा कॅमेरा खास तयार करण्यात आला आहे.”

Alpha™ 1 II ची प्रमुख वैशिष्ट्ये:

उच्च रिझोल्यूशन आणि शक्तिशाली प्रोसेसिंग: यामध्ये अंदाजे ५०.१ MP (मेगापिक्सेल) प्रभावी रिझोल्यूशन असलेला Exmor RS™ स्टॅक्ड CMOS सेन्सर आणि शक्तिशाली BIONZ XR™ इमेज प्रोसेसिंग इंजिन आहे. हे संयोजन विस्तृत डायनॅमिक रेंजसह उच्च-रिझोल्यूशन प्रतिमा निर्माण करते.
अत्याधुनिक AI प्रोसेसिंग युनिट: AI प्रोसेसिंग युनिटच्या समावेशामुळे स्टिल्स आणि मूव्हीजसाठी रिअल-टाइम रेकग्निशन AF (ऑटोफोकस) प्राप्त होते. हे तंत्रज्ञान व्यक्तीचे डोके आणि धड लगेच ओळखते, तसेच प्राणी, पक्षी, कीटक आणि वाहनांचा अचूकपणे ट्रॅक करते. यात नवीन "Auto" मोड आहे, जो सब्जेक्ट मोड निर्देशित न करता आपोआप टार्गेट ओळखतो.
उच्च वेग आणि रिअल-टाइम ट्रॅकिंग: हा कॅमेरा AF/AE ट्रॅकिंगसह प्रत्येक सेकंदाला ३० फ्रेम्सपर्यंत ब्लॅकआउट-फ्री जलद वेगात सातत्यपूर्ण शूटिंग करू देतो. यात प्रचंड मागणी असलेले 'प्री-कॅप्चर' फंक्शनही आहे, ज्यामुळे शटर बटण दाबण्याच्या एक सेकंद आधीपर्यंत प्रतिमा कॅप्चर करता येते.
उत्कृष्ट व्हिडिओ रेकॉर्डिंग क्षमता: Alpha™ 1 II प्रभावशाली वास्तवतेसाठी ८K ३०p आणि ४K १२०p मूव्ही रेकॉर्डिंगला सपोर्ट करतो. ८.६K ओव्हरसॅम्पलिंगमधून अफाट रिझोल्यूशन मिळते.
प्रगत इमेज स्टॅबिलायझेशन: व्यावसायिक छायाचित्रकारांसाठी आवश्यक असलेल्या उच्च-कार्यक्षमतेसाठी यात अँटी-डिस्टॉर्शन शटर आहे. हे कमीत कमी डिस्टॉरशनसह शूटिंग करू देते. केंद्रभागात ८.५-स्टॉप्स आणि पेरिफेरीमध्ये ७.०-स्टॉप्स इतकी प्रभावी सुधारित ऑप्टिकल इमेज स्टॅबिलायझेशन आहे, ज्यामुळे स्थिर प्रतिमा प्राप्त होतात. व्हिडिओ शूटिंगसाठी नवीन Dynamic Active Mode चा सपोर्ट देखील आहे.
उत्कृष्ट डिझाइन आणि कनेक्टिव्हिटी: कॅमेरामध्ये ३.२-टाइप LCD मॉनिटर असून त्यात ४-अॅक्सिस मल्टी-अँगल फीचर आहे. ग्रिप, शटर बटणाची स्थिती आणि कस्टम बटणांमध्ये विचारपूर्वक डिझाइन बदल करण्यात आले आहेत, ज्यामुळे कॅमेरा वापरायला अधिक आरामदायक बनतो. जलद प्रतिमा ट्रान्सफरसाठी यात २.५GBASE-T वायर्ड LAN सपोर्ट आहे.
बॅटरी आणि पर्यावरणपूरक पॅकेजिंग: सप्लाय केलेला चार्जर १५५ मिनिटांत दोन NP-FZ100 बॅटऱ्या चार्ज करतो. शाश्वततेस प्राधान्य देण्यासाठी, या मॉडेलचे पॅकेजिंग पूर्णपणे प्लास्टिकमुक्त असून, बांबू, ऊस आणि पुनर्प्रक्रिया केलेल्या कागदाचे अद्वितीय मिश्रण वापरण्यात आले आहे.

किंमत आणि उपलब्धता: Alpha™ 1 II फुल-फ्रेम कॅमेरा सर्व सोनी सेंटर, अल्फा फ्लॅगशीप स्टोअर्स, प्रमुख इलेक्ट्रॉनिक स्टोअर्स, www.ShopatSC.com तसेच भारतातील इतर ई-कॉमर्स पोर्टल्सवर २५ जून २०२५ पासून उपलब्ध असेल. याची सर्वोत्तम किंमत ५,७९,९९०/- रुपये (भारतीय रु.) आहे.