वी बिझनेस आणि एचपीईची भागीदारी; भारतात नेटवर्किंग सेवांमध्ये नवा अध्याय

मुंबई, २९ मे २०२५ – वोडाफोन आयडियाच्या एंटरप्राइझ विभागाने (वी बिझनेस) हेवलेट पॅकार्ड एंटरप्रायझेस (एचपीई) सोबत धोरणात्मक करार करत भारतात अत्याधुनिक व्यवस्थापित सेवा पुरवण्यासाठी भागीदारी जाहीर केली आहे. या कराराचा उद्देश नव्या युगातील व्यवसायांसाठी स्मार्ट, सुरक्षित आणि वाढवता येणारी नेटवर्क सोल्युशन्स पुरवणे असा आहे.

या भागीदारीच्या माध्यमातून एचपीई अरुबा नेटवर्किंगच्या अत्याधुनिक उत्पादनांचा वापर करून वायरलेस लॅन, स्विचिंग आणि सुरक्षा सेवा ग्राहकांना देण्यात येणार आहेत. हे सोल्युशन्स कॅम्पस नेटवर्क्स, मॅन्युफॅक्चरिंग युनिट्स, मुख्यालये आणि क्षेत्रीय कार्यालये यांच्यासाठी उपयुक्त ठरणार आहेत.

संपूर्ण सेवा वीच्या नेटवर्क ऑपरेशन्स सेंटरकडून

या कराराअंतर्गत सर्व सेवा वी बिझनेसच्या नेटवर्क ऑपरेशन्स सेंटरद्वारे (NOC) व्यवस्थापित केल्या जातील. यामध्ये आर्टिफिशियल इंटेलिजन्स (AI), मशीन लर्निंग (ML) वर आधारित प्रगत ऍनालिटिक्स, तसेच डिफाइन्ड सर्व्हिस लेव्हल अ‍ॅग्रीमेंट्स (SLAs) अंतर्गत अखंडित सेवा दिली जाईल.

डिजिटल परिवर्तनासाठी खाजगी डेटा सेंटर्सवर भर

ही भागीदारी खाजगी आणि सरकारी डेटा सेंटर्ससाठी आधुनिक, सुरक्षित आणि विस्तारक्षम आयटी सोल्युशन्स विकसित करणार आहे. यामध्ये सार्वजनिक व खासगी क्षेत्रातील कंपन्या, तसेच सरकारी यंत्रणा यांचा समावेश असेल.

वचनबद्धता आणि डिजिटल नावीन्याचा निर्धार

वी बिझनेसचे चीफ एंटरप्राइझ बिझनेस ऑफिसर अरविंद नेवतिया म्हणाले, “एचपीईसोबतची ही भागीदारी आमच्या ICT पोर्टफोलिओला बळकटी देणार आहे. प्रगत एंटरप्राइझ सोल्युशन्ससह आमच्या मूलभूत टेलिकॉम क्षमतेचे एकत्रीकरण आम्हाला व्यवसाय सेवांमध्ये नाविन्य आणण्यास मदत करेल.”

एचपीई अरुबा नेटवर्किंगचे कार्यकारी उपाध्यक्ष फिल मोत्रम यांनी म्हटले की, “वी बिझनेससोबत काम करताना आम्हाला आनंद होत आहे. भारतातील व्यवसायांसाठी आमचे नेटवर्किंग तंत्रज्ञान आणि वीची सेवा कौशल्य एकत्र करून, आम्ही डिजिटल परिवर्तन अधिक गतिमान करू शकतो.”