आकुर्डीतील के के कांबळे यांचा राष्ट्रवादी शरद पवार गटात प्रवेश

 

"आकुर्डीतील राजकीय समीकरणे बदलली: मनसेला धक्का"

आकुर्डी : पिंपरी-चिंचवड शहरातील राजकीय समीकरणांमध्ये मोठे बदल घडले असून, महाराष्ट्र निर्माण सेनेचे (मनसे) ज्येष्ठ नेते के के कांबळे यांनी शेकडो कार्यकर्त्यांसह राष्ट्रवादी शरद पवार काँग्रेस पक्षात प्रवेश केला आहे.

लढवय्ये कार्यकर्ते म्हणून ओळखल्या जाणाऱ्या कांबळे यांनी पक्षप्रवेशाच्या वेळी सांगितले की, पिंपरी विधानसभा मतदारसंघासाठी डॉ. सुलक्षणा शिलवंत यांच्यासारख्या उच्चविद्याविभूषित आणि सर्वसामान्यांच्या प्रश्नांशी जोडलेल्या मागासवर्गीय महिलेला उमेदवारी देण्याच्या राष्ट्रवादीच्या निर्णयाने ते प्रभावित झाले.

"यापूर्वीचे आमदार केवळ दहशत आणि दडपशाहीच्या मार्गाने स्वहित जपत होते. आता डॉ. शिलवंत यांच्यासारख्या समाजाशी नाळ जोडलेल्या प्रतिनिधीची संधी मिळणार आहे," असे कांबळे यांनी स्पष्ट केले.

पक्षांतराच्या या निर्णयामुळे पिंपरी-चिंचवड शहरातील सर्वसामान्य आणि मागासवर्गीय मतदारांमध्ये समाधानाचे वातावरण निर्माण झाले असल्याचेही त्यांनी नमूद केले. राष्ट्रवादी शरद पवार काँग्रेस पक्षाच्या या निर्णयाचे मनापासून स्वागत करून आपण पक्षाचा झेंडा खांद्यावर घेतल्याचेही कांबळे यांनी सांगितले.

या पक्षप्रवेशामुळे पिंपरी-चिंचवड शहरातील राजकीय समीकरणे बदलण्याची शक्यता व्यक्त केली जात आहे.