वीरशैव समाजाच्या शंभरहून अधिक प्रतिनिधींची सुलक्षणा शिलवंत यांना भेट

 

बसवेश्वरांच्या विचारांना अनुसरून महिला उमेदवाराला पाठिंबा

पिंपरी : लिंगायत वीरशैव समाजाचे संस्थापक महात्मा बसवेश्वर यांच्या महिला सक्षमीकरणाच्या विचारांना अनुसरून, पिंपरी विधानसभा मतदारसंघात डॉ. सुलक्षणा शिलवंत यांना समाज एकमुखाने पाठिंबा देणार असल्याचे सामाजिक कार्यकर्ते रमेश कोरे यांनी जाहीर केले.

वीरशैव लिंगायत समाजाच्या शंभरहून अधिक प्रतिनिधींनी महाविकास आघाडीच्या राष्ट्रवादी शरद पवार पक्षाच्या उमेदवार डॉ. शिलवंत यांची भेट घेऊन त्यांना महात्मा बसवेश्वरांचे चरित्र भेट दिले.

या वेळी बोलताना कोरे म्हणाले, "महात्मा बसवेश्वरांनी समाजातील मागास घटक आणि महिलांना प्रतिष्ठा मिळवून देण्यासाठी सामाजिक संघर्ष केला. त्यांनी महिलांना पुरुषांच्या बरोबरीने अधिकार आणि सन्मान मिळावा यासाठी लढा दिला."

भेटीदरम्यान मल्लिकर प्यारासबरी, वेणू गोपाल नायर, सिद्धेश्वर तोडकर, कुंडलिक गणगीर, बाळासाहेब कांबळे, सुभाष जोशी, रोकडे सर, वासुदेव दोराई, बाबुराव सावंत आदी प्रमुख समाज बांधव उपस्थित होते.

बसवेश्वरांच्या तत्त्वज्ञानाला अनुसरून वीरशैव समाज डॉ. शिलवंत यांनाच मतदान करेल असा विश्वास कोरे यांनी व्यक्त केला.