विकासकामांच्या आश्वासनासह जगताप यांचा प्रचार जोरदार

 

चिंचवड : चिंचवड विधानसभा मतदारसंघात महायुतीचे अधिकृत उमेदवार शंकर जगताप यांच्या गावभेट दौऱ्याला नागरिकांकडून उत्स्फूर्त प्रतिसाद मिळत आहे. बुधवारी पिंपळे सौदागर भागातील पदयात्रेत मोठ्या संख्येने नागरिक सहभागी झाले.

"शंकर भाऊ जगताप तुम आगे बढो, हम तुम्हारे साथ है" अशा घोषणांनी पिंपळे सौदागर परिसर दणाणून गेला. हिंद कॉलनी, यशवंत नगर, श्री स्वामी समर्थ कॉलनी, बापूसाहेब शिंदे कॉलनी आदी भागांत गावभेटी झाल्या.

जगताप यांनी प्रलंबित विकासकामे लवकरच पूर्ण करण्याचे आश्वासन दिले. स्व. लक्ष्मणभाऊ जगताप यांच्या काळात पिंपळे सौदागर भागात झालेल्या विकासकामांचाही त्यांनी आढावा घेतला.

माजी नगरसेवक नाना काटे, शत्रुघ्न काटे, केशव घोळवे यांच्यासह अनेक कार्यकर्ते व नागरिक उपस्थित होते. महिलांनी घरोघरी जगताप यांचे औक्षण केले.