"जनशक्ती विरुद्ध धनशक्तीची लढाई" - मारुती भापकर

 

 सांगवी परिसरात भापकरांच्या चौकसभांना उदंड प्रतिसाद

चिंचवड (प्रतिनिधी): चिंचवड विधानसभा मतदारसंघातील महाशक्ती आघाडी आणि महाराष्ट्र स्वराज यांचे अधिकृत उमेदवार मारुती साहेबराव भापकर यांनी जुनी सांगवी आणि नवी सांगवी परिसरात पाच चौकसभांचे आयोजन केले.

"ही लढाई धनशक्ती विरुद्ध जनशक्तीची असून, प्रस्थापित विरुद्ध विस्थापितांची आहे," असे भापकर यांनी स्पष्ट केले. त्यांनी मतदारांना आश्वासन दिले की, "मी विधिमंडळात तुमच्या तिजोरीचे रक्षण करण्यासाठी जात आहे, तर इतर उमेदवार करदात्यांच्या तिजोरीवर डल्ला मारण्यासाठी निवडणूक लढवत आहेत."

भापकर यांनी आपला कार्यअहवाल आणि गॅरंटीपत्र मतदारांमध्ये वितरित केले. त्यांनी मतदारांना आवाहन केले की, "माझा कार्यअहवाल व गॅरंटीकार्ड काळजीपूर्वक वाचा. पटले तरच मला मत द्या, अन्यथा तुमच्या पसंतीच्या उमेदवाराला मतदान करा." विशेष म्हणजे त्यांनी दिलेली आश्वासने पूर्ण न झाल्यास आमदारकीचा राजीनामा मागण्याचा अधिकार मतदारांना दिला.

नवी सांगवी आणि जुनी सांगवी परिसरातील मतदारांनी भापकर यांच्या कार्यअहवाल आणि गॅरंटीपत्राचे उत्स्फूर्त स्वागत केले.