रेल्वे दिवाळीसाठी हडपसर-हिसार आणि पनवेल-हजूर साहिब नांदेड दरम्यान विशेष गाड्या चालवणार

पुणे : दिवाळीच्या सणासुदीच्या काळात प्रवाशांची होणारी अतिरिक्त गर्दी लक्षात घेऊन रेल्वेने हडपसर-हिसार आणि पनवेल-हजूर साहिब नांदेड या मार्गांवर विशेष साप्ताहिक गाड्या चालवण्याचा निर्णय घेतला आहे. या गाड्या पुणे मार्गे धावणार असून, प्रवाशांना या सुविधेचा लाभ घेण्याचे आवाहन रेल्वे प्रशासनाने केले आहे.

तपशील:

१. हडपसर-हिसार-हडपसर विशेष गाड्या (02 ट्रिप):  

- गाडी क्रमांक ०४७२४ हडपसर-हिसार विशेष ट्रेन हडपसर येथून ०४ नोव्हेंबर २०२४ रोजी दुपारी २.१५ वाजता सुटेल आणि दुसऱ्या दिवशी रात्री १०.३० वाजता हिसारला पोहोचेल.

- गाडी क्रमांक ०४७२३ हिसार-हडपसर विशेष ट्रेन ०३ नोव्हेंबर २०२४ रोजी पहाटे ५.५० वाजता हिसारहून सुटेल आणि दुसऱ्या दिवशी सकाळी ११.४५ वाजता हडपसरला पोहोचेल.

थांबे: पुणे, लोणावळा, कर्जत, कल्याण, वसई रोड, पालघर, वापी, सुरत, वडोदरा, गोध्रा, रतलाम, नागदा, भवानी मंडी, कोटा, सवाई माधोपूर, दुर्गापुरा, जयपूर, रिंगस, सीकर, नवलगढ, चिरवा, लोहारू आणि सरदुलपूर.

संरचना: एकूण २० एलएचबी कोच - १ एसी २-टायर, ५ एसी ३-टायर, ८ स्लीपर क्लास, ५ जनरल सेकंड क्लास, १ लगेज कम गार्ड ब्रेक व्हॅन, आणि १ जनरेटर कार.

२. पनवेल-हजूर साहिब नांदेड विशेष गाडी पुणे मार्गे (02 ट्रिप):  

- गाडी क्रमांक ०७६३६ पनवेल-हजूर साहिब नांदेड विशेष ट्रेन ०७ नोव्हेंबर २०२४ रोजी संध्याकाळी ४.३० वाजता पनवेलहून सुटेल आणि दुसऱ्या दिवशी दुपारी १.०० वाजता हजूर साहिब नांदेडला पोहोचेल.

- गाडी क्रमांक ०७६३५ हजूर साहिब नांदेड-पनवेल विशेष ट्रेन ०६ नोव्हेंबर २०२४ रोजी रात्री ९.०० वाजता हजूर साहिब नांदेडहून सुटेल आणि दुसऱ्या दिवशी दुपारी २.४५ वाजता पनवेलला पोहोचेल.

थांबे: कर्जत, लोणावळा, पुणे, दौंड, कुर्डुवाडी, लातूर, लातूर रोड, परळी, गंगाखेड, परभणी आणि पूर्णा.

संरचना: एकूण २४ आयसीएफ कोच - २२ स्लीपर क्लास आणि २ लगेज कम गार्ड ब्रेक व्हॅन.

आरक्षण: गाडी क्रमांक ०४७६४ आणि ०७६३६ साठी बुकिंग ०२ नोव्हेंबर २०२४ रोजी सर्व संगणकीकृत आरक्षण केंद्रांवर आणि IRCTC च्या www.irctc.co.in या अधिकृत वेबसाइटवर उपलब्ध होईल.

विशेष गाड्यांच्या थांब्यांच्या सविस्तर वेळांसाठी www.enquiryindianrail.gov.in या वेबसाइटला भेट द्या किंवा NTES ॲप डाउनलोड करा. 

रेल्वे प्रशासनाने प्रवाशांनी या विशेष ट्रेनच्या सुविधेचा लाभ घ्यावा असे आवाहन केले आहे.