35 विधानसभा मतदारसंघांचा जनता दल (से)च्या अध्यक्षांचा दौरा

 

 "महायुती सरकार राज्यात सत्तेत येणार - नाथाभाऊ शेवाळे"

पुणे (प्रतिनिधी): महाराष्ट्र विधानसभा निवडणुकीच्या पार्श्वभूमीवर जनता दल (सेक्युलर) पक्षाचे राज्याध्यक्ष नाथाभाऊ शेवाळे यांनी 16 जिल्ह्यांतील 35 विधानसभा मतदारसंघांचा दौरा पूर्ण केला. महायुती सरकारच्या कल्याणकारी योजनांमुळे जनतेकडून मिळत असलेल्या सकारात्मक प्रतिसादावरून राज्यात महायुती सरकार स्थापन होणार असल्याचा विश्वास त्यांनी व्यक्त केला.

महायुतीचा घटक पक्ष असलेल्या जनता दल (से)चे शेवाळे यांनी अहिल्यानगर, पुणे, छत्रपती संभाजीनगर, जालना, परभणी, नांदेड, लातूर, बीड, कोल्हापूर, सांगली, सातारा, पालघर, मुंबई आणि सोलापूर या जिल्ह्यांत दौरा केला.

लाडकी बहीण योजना, शेतकऱ्यांची वीज बिले माफी, शिक्षित युवकांना रोजगार, परदेशी शिक्षण शिष्यवृत्ती, वृद्धांसाठी पेन्शन योजना यांसारख्या उपक्रमांमुळे महायुतीला अनुकूल वातावरण असल्याचे त्यांनी सांगितले.

माजी पंतप्रधान आणि पक्षाचे राष्ट्रीय अध्यक्ष एच.डी. देवेगौडा यांच्या मार्गदर्शनाखाली महायुतीच्या उमेदवारांच्या विजयासाठी काम करण्याचे आवाहन त्यांनी कार्यकर्त्यांना केले.