चिंचवड : नाना काटेंसाठी पिंपळे सौदागरचा ‘घरातील माणूस’चा नारा

 

पिंपरी:चिंचवड विधानसभा निवडणुकीत माजी विरोधी पक्षनेते विठ्ठल उर्फ नाना काटे यांना आमदार करण्यासाठी पिंपळे सौदागर ग्रामस्थांनी एकजुटीचा निर्धार केला आहे. रविवारी पिंपळे सौदागर येथे झालेल्या एका बैठकीत "चला एकत्र येऊया.. आपल्या घरातील आमदार करूया" असा नारा देण्यात आला.

पिंपळे सौदागर परिसराचा विकास अतिशय नियोजनबद्ध झाला आहे, असे बैठकीत म्हटले गेले. नाना काटे यांच्या नेतृत्वामुळे या परिसराचा नावलौकिक देशभर पसरला आहे. कोणताही भेदभाव न करता सामान्य माणसाची कामे करण्यासाठी नाना काटे नेहमी पुढाकार घेतात, असा दावा करण्यात आला.

पिंपळे सौदागर परिसरातील ग्रामस्थांनी नाना काटे यांना "आपला माणूस" म्हणून ओळखले जाते. २०२३ च्या पोटनिवडणुकीत त्यांना ९९ हजार मतदान मिळाले होते, परंतु ते विद्यमान आमदार अश्विनी जगताप यांच्या विरोधात पराभूत झाले. आता विधानसभेसाठी पुन्हा संधी मिळाली आहे आणि त्यांना विजयी करण्यासाठी ग्रामस्थ एकत्रित येऊन लढाई देणार आहेत.

नाना काटे यांनी ग्रामस्थांना आवाहन करताना म्हटले की, "पोटनिवडणुकीत आपल्या सर्व ग्रामस्थ, युवक मित्र, महिला व चिंचवड मतदार संघातील नागरिकांनी अतिशय चांगलं काम केले. त्यामुळे आपण विजयाच्या अगदी जवळ पोहोचलो होतो. अगदी काही हजाराच्या फरकांनी आपल्याला ते यश मिळवता आले नाही. यापुढे सर्व ग्रामस्थांनी आपले नातेवाईक व मित्र परिवार यांच्या संपर्कात राहून पुन्हा लढाई देऊन विजय संपादन करायचा आहे. यासाठी सर्वांनी एकत्रित येऊया."

त्याचबरोबर, पिंपळे सौदागरचा विकास ज्या पद्धतीने केला, त्याच पद्धतीने आगामी काळात संपूर्ण विधानसभा मतदारसंघाचा विकास करायचा आहे, असा विश्वास नाना काटे यांनी व्यक्त केला.