राष्ट्रपतींच्या दौर्‍यामुळे पुणे परिसरात कडेकोट सुरक्षा व्यवस्था राखण्यासाठी जिल्हाधिकार्‍यांचे आदेश

 

पुणे : देशाच्या राष्ट्रपती द्रौपदी मुर्मू ३ सप्टेंबर रोजी पुणे दौर्‍यावर येत आहेत. त्यामुळे पोलीस आणि महसूल प्रशासन सतर्क झाले असून कायदा व सुव्यवस्था आणि राष्ट्रपतींची सुरक्षा लक्षात घेत अनेक निर्णय घेतले जात आहेत.

जिल्हाधिकारी सुहास दिवसे यांनी या अनुषंगाने दोन आदेश जारी केले आहेत. या पैकी पहिल्या आदेशानुसार कायदा व सुव्यवस्था अबाधित राहण्यासाठी ३ सप्टेंबर रोजी पहाटे ००.१० वाजल्यापासून ते रात्री २४.०० वाजेपर्यंत पुणे व पिंपरी-चिंचवड शहर तसेच पुणे ग्रामीण जिल्ह्यात पॅराग्लायडींग, हॉट बलुन सफारी, ड्रोन, मायक्रोलाईट एअरोप्लेन आदी प्रकारच्या खासगी अवकाश उड्डाणांना मनाई करण्याचे आदेश जिल्हाधिकारी डॉ. सुहास दिवसे यांनी जारी केले आहेत. 

या आदेशाचे उल्लघंन करणाऱ्या व्यक्तींवर भारतीय न्याय संहिता २०२३ चे कलम २२३ नियमानुसार कायदेशीर कारवाई करण्यात येईल, असेही असेही आदेशात नमूद करण्यात आले आहे.

तर दुसर्‍या आदेशान्वये ३ सप्टेंबर रोजी सकाळी ७ वाजल्यापासून ते दुपारी १ वाजेपर्यंत सिम्बायोसिस विद्यापीठ लवळे परिसरातील शाळा बंद ठेवण्याचे आदेश जिल्हाधिकारी डॉ. सुहास दिवसे यांनी जारी केले आहेत. 

राष्ट्रपतींच्या दौऱ्यांच्या अनुषंगाने पुण्यातील पेरिविंकल इंग्रजी माध्यम शाळा सुस, डॉल्फिन इंग्रजी माध्यम शाळा तापकीर वस्ती, विद्या व्हॅली शाळा सुस, श्रीनिवास प्रि-स्कूल, नानासाहेब ससार इमारत सुस, आदित्य प्रि-स्कू, पारखे वस्ती सुसगांव, पोद्दार जंबो किड्स सुसगाव, ट्री हाऊस माध्यमिक शाळा, पारखे वस्ती सुसगांव, ऑर्चिड इंटरनॅशनल स्कूल सुस, जिल्हा परिषद शाळा सुसगाव कमान, संस्कारोदय प्राथमिक शाळा, शितळादेवीनगर, लिटील बेरीएस प्रि-स्कूल, ठकसेन नगर, किड्झी प्रि-स्कूल, श्री विद्या प्रि-स्कूल, सुसगाव व ध्रुव ग्लोबल स्कूल सिम्बायोसिस लवळे रोड, लवळे  ता. मुळशी पुणे या शाळा बंद ठेवण्याचे जिल्हाधिकारी यांच्या आदेशात नमूद करण्यात आले आहे.