हवाईदलाचे सुखोई विमान कोसळले; दोन्ही पायलट बचावले!

नाशिक : भारतीय हवाईदलाचे सुखोई लढाऊ विमान ४ जून रोजी नाशिक जिल्ह्यातील निफाड तालुक्यात असलेल्या शिरसगाव नजिकच्या शेतात कोसळले. मात्र, वैमानिक आणि सहवैमानिक वेळीच बाहेर पडल्याने बचावले आहेत.

हे विमान विंग कमांडर बोकील आणि त्यांचे सहकारी विंग कमांडर बिस्वास उडवत होते. दुपारी १ वाजून २० मिनिटांनी अचानक ते शिरसगाव जवळ कोसळले. विमान कोसळल्यानंतर दोन्ही वैमानिक बाहेर पडले. त्यांना किरकोळ जखमा झाल्या आहेत. त्यांना रुग्णालयात हलविण्यात आले आहे. विमान कोसळल्यानंतर त्याचे अवशेष अर्धा किलोमीटर परिसरात पसरले आहेत. या अपघातामुळे परिसरात लागलेली आग विझविण्यात आली असून पोलीस, हिंदुस्थान एरीनॉटिक्सचे अधिकारी घटनास्थळी दाखल झाले आहेत.