९ जून रोजी ' गाणी गदिमांची' कार्यक्रम

 

भारतीय विद्या भवन,इन्फोसिस फाऊंडेशनचा सांस्कृतिक प्रसार उपक्रम 

पुणे ः भारतीय विद्या भवन आणि इन्फोसिस फाऊंडेशनच्या सांस्कृतिक प्रसार उपक्रमांतर्गत  ' गाणी गदिमांची' या   कार्यक्रमाचे आयोजन रविवार,दि. ९ जून २०२४ रोजी   करण्यात आले आहे. या कार्यक्रमात  ग.दि.माडगूळकर लिखित गीतांचा सुरेल आविष्कार सादर करण्यात येणार  आहे.  ही गीते शुभांगी मुळे, हेमंत वाळुंजकर गाणार आहेत . जयंत साने(हार्मोनियम), सुभाष देशपांडे (सिंथेसायझर ), मोहन पारसनिस (तबला ), हेमंत पोटफोडे(तालवाद्य ) हे साथसंगत करणार असून नीना भेडसगावकर या कार्यक्रमाचे निवेदन करणार आहेत.

हा कार्यक्रम रविवार, दि. ९ जून २०२४ रोजी सायंकाळी साडेपाच  वाजता  भारतीय विद्या भवनचे सरदार महादेव बळवंत नातू सभागृह,(सेनापती बापट रस्ता) येथे  होणार आहे.हा कार्यक्रम विनामूल्य आहे.भारतीय विद्या भवन आणि इन्फोसिस फाऊंडेशनच्या सांस्कृतिक प्रसार कार्यक्रमांतर्गत सादर होणारा हा २११ वा कार्यक्रम  आहे.भारतीय विद्या भवनचे मानद सचिव प्रा.नंदकुमार काकिर्डे यांनी पत्रकाद्वारे  ही माहिती दिली.