जालना : मालमत्ताकराची थकबाकी माफ करण्यासाठी लाच घेणार्या जालना महापालिकेच्या वसुली कारकुनाला अॅन्टीकरप्शन ब्युरोच्या जालना येथील पथकाने ३० हजार रुपयांची लाच स्वीकारताना ११ एप्रिल रोजी 'रंगेहाथ' पकडले.
उत्तम शंकरराव लाडाने, वय ५४ वर्ष व्यवसाय नोकरी सफाई कामगार, वसुली कारकून, महानगरपालिका, जालना रा. इन्कमटॅक्स कॉलनी, म्हाडा कॉलनी, जालना असे आरोपीचे नाव आहे.मूळ सफाई कामगार असलेल्या या व्यक्तीकडे वसुली कारकूनपदाचा कार्यभार आहे.
०१ एप्रिल २०१८ ते ३१ मार्च २०२४ या वर्षांचा १ लाख २४ हजार ५९६ रुपये इतका मालमत्ताकर भरण्याची नोटीस या प्रकरणातील तक्रारदाराला मिळाली होती. आरोपी लाडाने वसुलीसाठी तकारदाराकडे गेला होता. त्यावेळी तक्रारदाराने त्याला ४१ हजार ५३२ रुपयांचा चेक दिला. त्यावेळी आरोपी लाडाने याने तक्रारदाराला बाकीचा ८३ हजार रुपये कर तुम्ही भरू नका. त्या ऐवजी मला ४० हजार रुपये लाच द्या.मी तुमचा सर्व कर भरला असल्याचे दाखवतो असे म्हणून १० हजार रुपयांची लाच तात्काळ घेतली. त्यानंतर तकारदाराने जालना येथील अॅन्टीकरप्शन ब्युरोच्या कार्यालयात तक्रार नोंदविली. १० एप्रिल रोजी अॅन्टीकरप्शन ब्युरोच्या पथकाने सापळा लावला. आणि, लाडाने याला ३० हजार रुपये लाच घेताना 'रंगेहाथ' पकडले.
पोलीस ठाणे कदीम जालना येथे या प्रकरणी गुन्हा दाखल करण्यात आला आहे.
Reviewed by ANN news network
on
४/१४/२०२४ ०४:१७:०० PM
Rating:
कोणत्याही टिप्पण्या नाहीत: