१७ मार्च रोजी गायन,नृत्य सादरीकरणे

 

भारतीय विद्या भवन,इन्फोसिस फाऊंडेशनचा सांस्कृतिक प्रसार उपक्रम 

पुणे ः भारतीय विद्या भवन आणि इन्फोसिस फाऊंडेशनच्या सांस्कृतिक प्रसार उपक्रमांतर्गत  गायन  आणि नृत्य सादरीकरणाचे आयोजन करण्यात आले आहे. हा कार्यक्रम इंडियन कौन्सिल फॉर कल्चरल रिलेशन्स (पुणे विभागीय कार्यालय) सादर करणार आहे.सानिया पाटणकर या भारतीय शास्त्रीय गायन सादर करणार आहेत.आस्था गोडबोले-कार्लेकर या कथक नृत्य सादर करणार आहेत.  

हा कार्यक्रम रविवार,१७ मार्च  २०२४ रोजी सायंकाळी साडे पाच   वाजता  भारतीय विद्या भवनचे सरदार महादेव बळवंत नातू सभागृह,(सेनापती बापट रस्ता) येथे  होणार आहे.हा कार्यक्रम विनामूल्य आहे.भारतीय विद्या भवन आणि इन्फोसिस फाऊंडेशनच्या सांस्कृतिक प्रसार कार्यक्रमांतर्गत सादर होणारा हा  १९८ वा कार्यक्रम  आहे.भारतीय विद्या भवनचे मानद सचिव प्रा.नंदकुमार काकिर्डे यांनी ही माहिती दिली.