उरण ग्रामीण रुग्णालय आणि वीर वाजेकर कॉलेजतर्फे एचआयव्ही, एड्सबद्दल जनजागृती

विठ्ठल ममताबादे

उरण : इंदिरा गांधी शासकीय ग्रामीण रूग्णालय उरण व वीर वाजेकर  कॉलेज फुंडे यांच्या संयुक्त विद्यमाने एचआयव्ही एड्स ,टीबी, एसटीआय एच बीएसएजी जनजागृती शिबिर घेण्यात आले. या मध्ये वैद्यकिय अधिक्षक डॉक्टर बाबासाहेब कालेल, प्राचार्य प्रल्हाद पवार,  प्रा. चिंतामण धिंधले, समुपदेशक महादेव पवार  व प्रयोगशाळा तंत्रज्ञ तृप्ती परजणे  उपस्थित होते. या शिबिरामध्ये डॉक्टर कालेल यांनी उपस्थित विद्यार्थांना एच आय व्ही म्हणजे काय, एड्स म्हणजे काय, ते होण्याची कारणे, इतिहास, निदान, गैरसमज, उपचार, याबद्दल सविस्तर मार्गदर्शन केले.त्यानतंर महादेव पवार यांनी एचआयव्ही एड्स ऍक्ट २०१७ कायदा, गुप्तरोग, टिबी, आरोग्य याबद्दल सविस्तर मार्गदर्शन केले. आणि शेवटी विद्यारर्थ्यांसोबत संवाद साधला त्यांच्या शंकांचे निरसन केले.या कॅम्पमध्ये एकूण ८५ विद्यार्थी उपस्थित होते. आणि त्यापैकी ३५ जणांची एचआयव्ही तपासणी करण्यात आली.