बोऱ्हाडेवाडीतील रस्त्यांवरील खड्ड्यांमुळे नागरिक हैराण!

 

पिंपरी : पिंपरी चिंचवड शहरातील बोऱ्हाडेवाडी येथील शिवरोडवर बालाजी विश्व व के.के.कायझान सोसायटी समोरील तसेच या रोडवरील पडलेल्या खड्यात पावसाचे पाणी साचल्याने नागरिकांना यामधून प्रवास करणे कठीण जात आहे. हे खड्डे त्वरित बुजवावेत अशी विनंती हौसिंग फ़ेडरेशनने पालिका आयुक्त शेखर सिंह यांना केली आहे.  

याबाबत फ़ेडरेशनचे अध्यक्ष संजीवन सांगळे यांनी आयुक्ताणा निवेदन दिलए आहे. त्यात म्हटले आहे की, बोऱ्हाडेवाडी मोशी येथील 18 मीटर शिवरोडवर वूड्स विले फेज -1 सोसायटी पासून बालाजी विश्व सोसायटी पर्यंत खूप मोठे मोठे खड्डे पडलेले आहेत.व सद्या जोरात पाऊस चालू असल्याने या खड्ड्यात पूर्णपणे पाणी साचलेले आहे.बालाजी विश्व सोसायटी आणि के.के.कायझन सोसायटी समोर तर खूप मोठे 10×10 चे खड्डे पडून त्यामधे पावसाचे पाणी साचून त्याला तळ्याचे स्वरूप आलेले आहे.त्यामुळे येथून नागरिकांना विशेषतः महिला भगिनी,लहान मुले व वयोवृद्ध नागरिक यांना प्रवास करने कठीण जात आहे.या रोडवर एक लहान मुलांची शाळा देखील आहे आणि या शाळेच्या समोरच हा मोठा खड्डा आहे. त्यामुळे शाळेत येणाऱ्या लहान मुलांना व पालकांना याचा खूप त्रास होत आहे.तरी महोदय कृपया आपल्या मनपाच्या संबंधित विभागास याबद्दल सूचना देऊन या 18 मीटर रोडवरील सर्व खड्डे बुजवून घेण्याच्या सूचना देऊन हे खड्डे त्वरित बुजून घेऊन नागरिकांना दिलासा द्यावा.