आझम कॅम्पस येथे स्वातंत्र्यदिनी 'फ्युचर इंडिया' संकल्पनेवर सांस्कृतिक कार्यक्रम

 

पुणे: महाराष्ट्र कॉस्मोपोलिटन एज्युकेशन सोसायटी (आझम कॅम्पस) येथे स्वातंत्र्य दिनी, १५ ऑगस्ट रोजी  संस्थेचे अध्यक्ष डॉ.पी.ए.इनामदार यांच्या हस्ते फंक्शन ग्राउंड येथे सकाळी ८ वाजता ध्वजारोहण करण्यात येणार आहे .त्यानंतर  'फ्युचर इंडिया' संकल्पनेवर सांस्कृतिक कार्यक्रम विद्यार्थी,विद्यार्थिनी सादर करणार आहेत.

शैक्षणिक,आरोग्य,राष्ट्रीय एकात्मता,विज्ञान-तंत्रज्ञान,पर्यटन,खेळ अशा अनेक विषयावर सांस्कृतिक कार्यक्रम आझम कॅम्पस परिवारातील शैक्षणिक संस्था असेम्ब्ली हॉल येथे सकाळी सव्वा नऊ वाजता सादर करणार आहेत.संस्थेचे सचिव प्रा.इरफान शेख यांनी पत्रकाद्वारे ही माहिती दिली.