पिंपरी-चिंचवड: खाजगी रुग्णालयांत दरपत्रक दर्शनी भागात लावण्याची मागणी; माहिती अधिकार कार्यकर्ते रमेश वाघेरे यांचे आयुक्तांना निवेदन

पिंपरी : पिंपरी-चिंचवड शहरातील सर्व खाजगी रुग्णालये व छोट्या दवाखान्यांमध्ये रुग्ण सेवांचे दरपत्रक (दरसूची) दर्शनी भागात ठळकपणे लावण्यासाठी कडक आदेश देण्यात यावेत, अशी मागणी माहिती अधिकार कार्यकर्ते रमेश नानासाहेब वाघेरे यांनी पिंपरी-चिंचवड महानगरपालिकेचे आयुक्त  विजय सूर्यवंशी यांच्याकडे निवेदनाद्वारे केली आहे. सेवा दर न लावणाऱ्या खाजगी रुग्णालयांवर कठोर कारवाई करण्याची मागणीही या निवेदनात करण्यात आली आहे.

सध्या खाजगी रुग्णालये हे लुटीचे साधन झाले असून एखाद्या रुग्णाचे बिल लाखांच्या घरात आकारले जात आहे. मनमानी पद्धतीने बिल आकारणी केली जात असल्याने रुग्णांची व त्यांच्या नातेवाईकांची अवस्था अत्यंत बिकट झाली असल्याचे वाघेरे यांनी निवेदनात नमूद केले आहे. रुग्णालयाच्या दर्शनी भागात दरपत्रक ठळकपणे लावल्यास रुग्णांच्या नातेवाईकांना सोयीचे होईल आणि त्यांना उपचारांचा होणारा संभाव्य खर्च आधीच समजल्यामुळे त्यांची आर्थिक फसवणूक टळेल, असा दावा निवेदनात करण्यात आला आहे.

या निवेदनासोबत महाराष्ट्र शासन सार्वजनिक आरोग्य विभागाचे परिपत्रक (क्रमांक: २०२६/प्र.क्र.२४७/रुग्णआ-२, दिनांक १६ ऑक्टोबर २०२६) जोडण्यात आले आहे. या परिपत्रकातील नियमांची अंमलबजावणी करून शहरातील सर्व खाजगी दवाखाने आणि रुग्णालयांमध्ये दरपत्रक लावण्याची सक्ती महापालिकेने करावी, अशी मागणी रमेश वाघेरे यांनी केली आहे.

• Labels: PCMC News, Pimpri Chinchwad, Private Hospitals, Health Department, Ramesh Waghere, PCMC Commissioner

• Search Description: RTI activist Ramesh Waghere submits a representation to PCMC Commissioner Dr. Vijay Suryavanshi demanding mandatory display of medical treatment rate charts in private hospitals.

• Hashtags: #PCMC #PimpriChinchwad #PrivateHospitals #HealthNews #RTIActivist #PCMCCommissioner