माथाडी युनियनच्या नावाखाली खंडणी उकळणाऱ्या टोळीवर 'मोक्का' अंतर्गत कारवाई

मुंबई, ३ सप्टेंबर २०२६ : मुंबईतील एमआयडीसी, अंधेरी व मुंबई उपनगर परिसरातील कंपन्या आणि बांधकाम व्यावसायिकांवर माथाडी कामगार युनियनच्या नावाखाली स्वतःचे वर्चस्व निर्माण करून खंडणी उकळणाऱ्या संघटित गुन्हेगारी टोळीविरुद्ध एमआयडीसी पोलीस ठाण्याने 'मोक्का' (MCOCA) कायद्यान्वये कठोर कारवाई केली आहे.

घटनेचा तपशील: माथाडी कामगार युनियनच्या नावाने दहशत निर्माण करण्यासाठी या टोळीतील सदस्यांनी नदीम नसरुद्दीन शेख (वय २७) यांच्यावर लाकडी दांडक्यांनी डोक्यावर व पायावर जीवघेणा हल्ला केला होता. याप्रकरणी १७ ऑगस्ट २०२६ रोजी भारतीय न्याय संहितेच्या (BNS) विविध कलमांनुसार गुन्हा नोंदवण्यात आला होता.

या कारवाईत पोलिसांनी १) पुरण अरुण सिंग उर्फ चड्डा (३९), २) रोहित मधुकर साळुंखे (२७), ३) इम्रान बसुद्दीन हवालदार (३७), ४) सुरेश गुलाबचंद गौड उर्फ किसन (३०), ५) आकाश मानसिंग सिंग उर्फ नेपाली (३०), ६) राजकुमार सेल्वन मुन्नुस्वामी उर्फ लाला, आणि ७) अर्जुन मुनियान मुत्तू उर्फ डाकू (३७) या ७ आरोपींना अटक केली आहे.

तपासादरम्यान निष्पन्न झाले की, टोळीप्रमुख कन्नन चिन्नादुराई वन्नियार उर्फ 'बडा कन्ना' याच्या इशाऱ्यावरून ही टोळी काम करत होती. हे आरोपी व्यावसायिकांना कामात अडथळा आणण्याची धमकी देऊन 'वाराई' किंवा 'प्रोटेक्शन मनी' च्या नावाखाली तलवारी व चाकूने धाक दाखवून बेकायदेशीर खंडणी वसूल करत असत. या संघटित गुन्हेगारीवर चाप लावण्यासाठी सक्षम अधिकाऱ्यांच्या मंजुरीने गुन्ह्यात 'मोक्का' कायद्याच्या कलमांची वाढ करण्यात आली आहे.

Labels: Mumbai Police, MIDC Police, MCOCA, Crime News, Extortion Gang, Andheri News, Crime Branch

Search Description: MIDC Police action under 'Mocca' (MCOCA) against gangs who were spreading terror and extortion in the name of Mathadi Union in Andheri. 7 accused arrested.

Hashtags: #MumbaiPolice #MCOCA #MIDCPolice #CrimeNews #Andheri #Extortion #LawAndOrder #MumbaiNews