मुंबई : सार्वजनिक नळावर पाणी भरण्याच्या किरकोळ वादातून पाठीमागून येऊन धारदार चाकूने प्राणघातक हल्ला करणाऱ्या आरोपीला कुर्ला येथील प्रथम वर्ग न्यायदंडाधिकारी न्यायालयाने (कोर्ट क्र. ५२) ३ वर्षे सक्तमजुरी आणि १० हजार रुपये दंडाची शिक्षा सुनावली आहे.
दिनांक ३१ मे २०१६ रोजी दुपारी २:०० वाजेच्या सुमारास फिर्यादी दिलशाद नबीउल्ला खान हे फेरीवाल्याकडून कपडे खरेदी करत असताना, आरोपी युसुफ नबीलाल शेख (वय ३०) याने सार्वजनिक नळावर पाणी भरण्याच्या जुन्या वादाचा राग मनात धरून दिलशाद यांच्या पाठीत चाकूने वार करून गंभीर दुखापत केली होती. याप्रकरणी आरसीएफ पोलीस ठाण्यात भारतीय दंड संहितेच्या कलम ३२६, ४५२, ५०४, ५०६(२) अन्वये गुन्हा दाखल करण्यात आला होता.
उपनिरीक्षक अश्विनी खांबे व सहाय्यक निरीक्षक सर्जेराव नेटके यांनी या गुन्ह्याचा सखोल तपास करून न्यायालयात भक्कम पुरावे सादर केले. सरकारी अभियोक्ता सुप्रिया कांबळे आणि कोर्ट पैरवी अधिकाऱ्यांच्या प्रभावी सादरीकरणामुळे न्यायालयाने २ सप्टेंबर २०२६ रोजी आरोपीला भारतीय दंड संहिता कलम ३२६ अन्वये दोषी ठरवून ३ वर्षे सक्तमजुरी व १० हजार रुपये दंड (दंड न भरल्यास १ महिना अतिरिक्त कैद) अशी शिक्षा सुनावली.
Labels: Mumbai Police, RCF Police Station, Kurla Court Verdict, IPC 326, Conviction News, Crime News Mumbai
Search Description: Kurla court sentenced Yusuf Shaikh, accused in the 2016 knife attack case in RCF police station limits, to 3 years hard labor and 10,000 fine.
Hashtags: #RCFPolice #KurlaCourt #CourtVerdict #Conviction #MumbaiPolice #CrimeNews #IPC326
धारदार शस्त्राने हल्ला करणाऱ्या आरोपीला ३ वर्षे सक्तमजुरी व १० हजार दंड
Reviewed by ANN news network
on
९/०४/२०२६ ०४:३९:०० PM
Rating:
Reviewed by ANN news network
on
९/०४/२०२६ ०४:३९:०० PM
Rating:
कोणत्याही टिप्पण्या नाहीत: