पुणे गुन्हे शाखेची धडक कारवाई; कुख्यात गजानन मारणे टोळीतील फरारी गुंड श्रीकांत पवार जेरबंद

पुणे, ९ सप्टेंबर २०२६: पुणे शहरातील कुख्यात गजानन मारणे टोळीचा सक्रिय सदस्य आणि 'मोक्का' (MCOCA) सारख्या अत्यंत गंभीर गुन्ह्यात गेल्या दीड वर्षापासून फरारी असलेल्या आरोपीला गुन्हे शाखा युनिट-३ च्या पथकाने अत्यंत शिताफीने जेरबंद केले आहे. श्रीकांत उर्फ बाब्या संभाजी पवार (वय ३९, रा. वडगाव रासाई, ता. शिरूर, जि. पुणे) असे अटक करण्यात आलेल्या कुख्यात गुंडाचे नाव आहे.

कोथरूड पोलीस ठाण्यात दाखल असलेल्या गु.र.नं ४६/२०२५, भारतीय न्याय संहिता कलम १०९, ११८(१), ११८(२), १२६(२), १११(२), ३(५) सह महाराष्ट्र संघटित गुन्हेगारी नियंत्रण कायदा (मकोका) कलम ३(१)(ii), ३(२), ३(४) मधील गंभीर गुन्ह्यात आरोपी श्रीकांत पवार हा पोलिसांना गुंगारा देऊन पसार झाला होता. शहरातील फरारी व पाहिजे असलेल्या आरोपींचा शोध घेण्याबाबत वरिष्ठांनी दिलेल्या आदेशानुसार गुन्हे शाखा युनिट-३ चे पथक शोध घेत होते.

या दरम्यान, गुन्हे शाखेचे अंमलदार अतुल साठे यांना गुप्त बातमीदाराकडून आणि तांत्रिक विश्लेषणाद्वारे खात्रीशीर माहिती मिळाली की, फरारी आरोपी बाब्या पवार हा त्याच्या मित्रासोबत अपनाघर सोसायटी, सी-विंग, फ्लॅट क्र. ६०१, वाडे बोलाई (ता. हवेली, जि. पुणे) येथे लपून राहत आहे.

माहिती मिळताच पोलीस निरीक्षक प्रशांत अन्नछत्रे यांच्या नेतृत्वाखालील पथकाने तात्काळ वाडे बोलाई गाठले. आरोपी राहत असलेल्या इमारतीला चारही बाजूंनी वेढा घालून कोणतीही पळून जाण्याची संधी न देता त्याला राहत्या घरातून जागेवरच ताब्यात घेतले. पुढील कायदेशीर कारवाईसाठी आरोपीला तपासी अधिकारी तथा सहायक पोलीस आयुक्त (गुन्हे-१) शैलेश संखे यांच्या स्वाधीन करण्यात आले आहे.

सदरची धडक कारवाई अपर पोलीस आयुक्त (गुन्हे) तेजस्विनी सातपुते, पोलीस उप आयुक्त (गुन्हे) गौहर हसन, सहायक पोलीस आयुक्त शैलेश संखे यांच्या मार्गदर्शनाखाली गुन्हे शाखा युनिट-३ चे निरीक्षक प्रशांत अन्नछत्रे, सहायक निरीक्षक नानासाहेब कदम आणि अंमलदार राजेंद्र नलावडे, अतुल साठे, मोहम्मद शेख, अमित बोडरे, तुषार किंद्रे, विपुन गायकवाड व आशिष राठोड यांच्या पथकाने पार पाडली.

• Labels: Pune Crime Branch, Gajanan Marne Gang, MCOCA Arrest, Pune Police, Kothrud Crime, Shrikant Babya Pawar, Crime News Pune

• Search Description: Pune Crime Branch Unit-3 arrested absconding Gajanan Marne gang member Shrikant alias Babya Pawar who was wanted in a MCOCA case for 1.5 years.

• Hashtags: #PunePolice #CrimeBranch #MCOCA #GajananMarneGang #PuneCrime #LawEnforcement

•