पुणे: काळेपडळ पोलीस ठाण्यात नोंद असलेल्या लैंगिक अपराधांपासून बालकांचे संरक्षण अधिनियम (पोक्सो) च्या गंभीर गुन्ह्यातील फरार आरोपीला १ सप्टेंबर २०२६ रोजी दुपारी ३ वाजता दरोडा व वाहनचोरी विरोधी पथक-१ ने राहत्या घरातून ताब्यात घेतले. अब्बास हबीब खान (वय २८, रा. महात्मा गांधी वसाहत, इराणी वस्ती, शिवाजीनगर, पुणे) असे अटक करण्यात आलेल्या आरोपीचे नाव आहे.
दरोडा व वाहनचोरी विरोधी पथक-१ चे पोलीस अधिकारी आणि अंमलदार घरफोडी, वाहनचोरी व गंभीर गुन्ह्यांतील फरार आरोपींचा शोध घेत गस्त घालत होते. त्यादरम्यान काळेपडळ पोलीस ठाणे गु.र.नं. ३७३/२०२६ (भारतीय न्याय संहिता कलम ६५, ३५१(४)(३) व पोक्सो कायदा कलम ८, १२, २१) मधील हवा असलेला आरोपी अब्बास खान हा त्याच्या शिवाजीनगर येथील इराणी वस्तीतील घरी आल्याची बातमी अंमलदार महेश पाटील यांना मिळाली.
प्राप्त माहितीच्या आधारे उपनिरीक्षक जालिंदर फडतरे व पथकाने महात्मा फुले वसाहत परिसरातील आरोपीच्या घराबाहेर सापळा रचला. आरोपी घरातून बाहेर पडताच त्याला शिताफीने ताब्यात घेण्यात आले. सखोल चौकशीत त्याने गुन्ह्याची कबुली दिली. त्यानंतर त्याला पुढील कायदेशीर कारवाईसाठी काळेपडळ पोलीस ठाण्याच्या स्वाधीन करण्यात आले आहे.
ही कारवाई अपर आयुक्त (गुन्हे) तेजस्वी सातपुते, उपआयुक्त गौहर हसन, सहायक आयुक्त शंकर खटके यांच्या मार्गदर्शनाखाली निरीक्षक मारुती खेडकर, उपनिरीक्षक जालिंदर फडतरे आणि अंमलदार बाळू गायकवाड, महेश पाटील, दत्तात्रय पवार, अमित गद्रे, साधना पवार व विद्या पराड यांनी केली.
Labels: POCSO Act, Pune Police, Crime Branch, Arrested, Irani Basti, Kalepadal Police Station
Search Description: Pune Police Anti-Robbery Cell arrested wanted POCSO accused Abbas Habib Khan from Irani Basti, Shivajinagar.
Hashtags: #POCSO #PunePolice #Shivajinagar #IraniBasti #Arrested #CrimeBranch #PuneCrime
Reviewed by ANN news network
on
९/०३/२०२६ ०२:४७:०० PM
Rating:
कोणत्याही टिप्पण्या नाहीत: