"काँग्रेसने आपल्या अधिकृत एक्स (ट्विटर) हँडलवरून ते आक्षेपार्ह विधान तात्काळ हटवावे": पिंपरी-चिंचवडमध्ये राष्ट्रवादी काँग्रेस पक्षाकडून निदर्शने

• हर्षवर्धन सपकाळ यांनी त्वरित जाहीर माफी मागावी.. योगेश बहल

• पिंपरी-चिंचवड: महाराष्ट्र राज्य काँग्रेसचे प्रदेशाध्यक्ष हर्षवर्धन सपकाळ यांच्या बेताल वक्तव्याचा आणि महाराष्ट्र काँग्रेसच्या अधिकृत ट्विटर (X) हँडलवरून करण्यात आलेल्या आक्षेपार्ह विधानाचा पिंपरी-चिंचवड शहर राष्ट्रवादी काँग्रेस पार्टीच्या वतीने तीव्र शब्दांत निषेध करण्यात आला. पक्षाचे शहराध्यक्ष योगेश बहल यांच्या नेतृत्वाखाली आयोजित करण्यात आलेल्या या आक्रमक आंदोलनादरम्यान, काँग्रेसने ते आक्षेपार्ह विधान तात्काळ सोशल मीडियावरून हटवून राज्याच्या उप मुख्यमंत्री आदरणीय सुनेत्रावहिनी पवार यांची जाहीर बिनशर्त माफी मागावी, अशी जोरदार मागणी करण्यात आली.

  "कर्तृत्ववान महिला नेत्याचा अपमान सहन करणार नाही" – योगेश बहल

  या आंदोलनादरम्यान पत्रकारांशी व उपस्थितांशी बोलताना शहराध्यक्ष योगेश बहल यांनी काँग्रेसवर घणाघाती टीका केली. ते म्हणाले, "स्वर्गीय अजितदादांच्या अकाली जाण्याने जे मोठे दुःख सुनेत्रावहिनी आणि त्यांच्या संपूर्ण कुटुंबावर कोसळले, त्या अतिशय कठीण प्रसंगातून सावरून केवळ या राज्यातील सर्वसामान्य नागरिकांना केंद्रबिंदू मानून त्या सार्वजनिक जीवनात पुन्हा सक्रिय झाल्या आहेत. राज्याला प्रगतीपथावर नेण्यासाठी आणि सर्वसामान्यांचे प्रश्न सोडवण्यासाठी त्या अहोरात्र मेहनत घेत आहेत. असे असताना, महाराष्ट्र काँग्रेसने त्यांच्याबाबत 'गुंगी गुडीया' अशा प्रकारची खालच्या पातळीवरील भाषा वापरणे अत्यंत संतापजनक आहे. हा केवळ एका कर्तृत्ववान महिला नेत्याचा अपमान नाही, तर समाजातील प्रत्येक ध्येयवादी आणि कर्तृत्ववान महिलेच्या सन्मानाचा थेट अपमान आहे."

  काँग्रेसने इतिहासातून धडा घ्यावा

  काँग्रेसच्या राजकीय इतिहासाचा संदर्भ देत योगेश बहल पुढे म्हणाले, "ज्या काँग्रेस पक्षाच्या स्वतःच्या इतिहासात माजी पंतप्रधान स्व. इंदिरा गांधी यांच्यासारख्या उत्तुंग नेत्यांनाही तत्कालीन काळात अशाच अपमानास्पद शब्दांनी हिणवले गेले होते, त्याच काँग्रेसने आज पुन्हा तीच ऐतिहासिक चूक केली आहे. केवळ महिला सन्मानाच्या मोठ्या घोषणा देण्यापेक्षा स्वतःच्या शब्दांत, विचारांत आणि कृतीमध्ये तो सन्मान दिसला पाहिजे. छत्रपती शिवाजी महाराज, राजर्षी छत्रपती शाहू महाराज, महात्मा जोतीराव फुले, भारतरत्न डॉ. बाबासाहेब आंबेडकर आणि स्व. यशवंतराव चव्हाण यांच्या पुरोगामी महाराष्ट्रात महिलांचा अवमान करणारी भाषा कधीही स्वीकारली जाणार नाही. राजकारणात मतभेद असू शकतात, पण महिलांचा अपमान करण्याचे समर्थन कधीच होऊ शकत नाही. त्यामुळे महाराष्ट्र काँग्रेस आणि हर्षवर्धन सपकाळ यांनी याबद्दल संपूर्ण महाराष्ट्राची व सुनेत्रावहिनींची जाहीर माफी मागावी."

  राष्ट्रवादीचे प्रमुख लोकप्रतिनिधी व पदाधिकारी रस्त्यावर

  या निषेध आंदोलनात पिंपरी-चिंचवड शहरातील राष्ट्रवादी काँग्रेसचे सर्व प्रमुख लोकप्रतिनिधी आणि ज्येष्ठ पदाधिकारी मोठ्या संख्येने सहभागी झाले होते. यामध्ये विरोधी पक्षनेते भाऊसाहेब भोईर, विठ्ठल उर्फ नाना काटे, माजी स्थायी समिती अध्यक्षा सीमा सावळे, माजी महापौर तथा नगरसेविका वैशाली घोडेकर, महिला अध्यक्षा कविता आल्हाट, कार्याध्यक्ष राहुल भोसले, फजल शेख, शाम लांडे, सारंग कामतेकर, युवक अध्यक्ष शेखर काटे, नगरसेविका तथा युवती अध्यक्षा वर्षा जगताप, वैशाली काळभोर, स्वाती उर्फ माई काटे, माया बारणे, अरुणा लंगोटे, प्रतीक्षा लांगी जवळकर, निकिता कदम, दीप्ती कांबळे, उज्वला ढोरे, योगिता बारणे, शमीम पठाण, प्रियांका कुदळे आणि भोसरी विधानसभा अध्यक्ष पंकज भालेकर प्रामुख्याने उपस्थित होते.

  याशिवाय, राजेंद्र जगताप, नगरसेवक जितेंद्र ननावरे, विराज लांडे, शेखर चिंचवडे, प्रमोद कुटे, सागर कोकणे, राजू बनसोडे, सारिका मासूळकर, यश साने, तुषार सहाने, प्रदेश उपाध्यक्ष ॲड. गोरक्ष लोखंडे, ॲड. सचिन आवटे, ज्ञानेश्वर कांबळे, चिंचवड विधानसभा अध्यक्ष कैलास बारणे, संघटक सतीश दरेकर, प्रकाश सोमवंशी, माजी नगरसेवक बन्सी पारडे, शेरबहादुर उर्फ मायला खत्री, आशा शेडगे, संजय औसरमल, रवींद्र ओव्हाळ, दीपक साकोरे, श्रीकांत कदम, युसुफ कुरेशी, ज्ञानेश्वर उर्फ माऊली मोरे, सुनील जाधव, प्रदीप गायकवाड, मनीषा गटकळ, संगीता कोकणे, कविता खराडे, पूनम वाघ, विजया काटे, अश्विनी तापकीर, मीरा कुदळे, देवी थोरात, मेधा पळशीकर, आशा मराठे, शितल महाजन, कोमल कवडे, नीलम कदम, शक्रूल्ला पठाण, प्रवीण पिंजन, विशाल काळभोर, अकबर मुल्ला, बापू सोनवणे, बाबासाहेब चौधरी, कुमार कांबळे, रमजान सय्यद, विशाल मासुळकर, गणेश लंगोटे, अरुण पवार, तुषार ताम्हणे, डॅनियल दळवी, सचिन गायकवाड, मंगेश बारणे, दत्तात्रय जगताप, संपत पाचुंदकर, चंद्रम हलगी, चंद्रकांत तापकीर, अर्जुन कदम, रवी खत्री, रूपेश खत्री आणि अनिल वाघमारे, दीपक गोरे यांच्यासह पक्षाचे शेकडो कार्यकर्ते उपस्थित होते.

• 
  

• Labels: Yogesh Behl, Sunetra Pawar, NCP Pimpri Chinchwad, Harshvardhan Sapkal, Congress vs NCP, Maharashtra Politics, PCMC News, Protest News

• Search Description: NCP Pimpri Chinchwad led by City President Yogesh Behl holds a massive protest demanding a public apology from Congress leader Harshvardhan Sapkal over remarks against Deputy CM Sunetra Pawar.

Hash Tags

#YogeshBehl #NCP #PimpriChinchwad #SunetraPawar #HarshvardhanSapkal #MaharashtraPolitics #PCMC #ProtestAlert #BreakingNews