बाणेर पोलिसांची धडक कारवाई: दोन सराईत अटकेत!; १ गावठी पिस्तूल,२ जिवंत काडतुसे जप्त!!

 

पुणे: बेकायदेशीररीत्या शस्त्र बाळगणाऱ्यांविरोधात धडक मोहीम राबवत बाणेर पोलीस ठाण्याच्या तपास पथकाने दोघांना अटक केली आहे. त्यांच्या ताब्यातून १ गावठी पिस्तूल आणि २ जिवंत काडतुसे जप्त करण्यात आली आहेत. ओमकार बाबासाहेब जाधव (वय २०, रा. पारखे वस्ती, सुसगाव, पुणे) आणि नृसिंह रामचंद्र बिडवे (वय २५, रा. पारखे वस्ती, सुसगाव, पुणे) अशी अटक करण्यात आलेल्या आरोपींची नावे आहेत.

ही कारवाई १९ ऑगस्ट २०२६ रोजी बाणेर पोलीस ठाण्याच्या हद्दीत करण्यात आली. तपास पथकातील अंमलदार अतुल इंगळे यांना बातमीदाराकडून माहिती मिळाली होती की, पाटीलनगर बालेवाडी येथील मोकळ्या जागेत एक इसम बेकायदेशीर अग्निशस्त्रासह येणार आहे. या माहितीच्या आधारे सहायक पोलीस निरीक्षक गणेश रायकर आणि पथकाने तेथे छापा टाकून संशयास्पदरीत्या फिरणाऱ्या ओमकार जाधवला ताब्यात घेतले. त्याची झडती घेतली असता, त्याच्याकडे सिल्वर रंगाचे स्टिलचे एक गावठी पिस्तूल आणि मॅगझीनमध्ये २ जिवंत काडतुसे मिळून आली.

अटक केलेल्या ओमकार जाधवकडे अधिक चौकशी केली असता, हे पिस्तूल त्याचा मित्र नृसिंह बिडवे याने दिले असल्याचे समोर आले. त्यानुसार पोलिसांनी तात्काळ तपास चक्रे फिरवून बालेवाडी येथील एव्हनव्हिस्टा सोसायटीजवळ सापळा रचला आणि नृसिंह बिडवे यालाही शिताफीने ताब्यात घेतले. या प्रकरणी दोन्ही आरोपींना अटक करून गुन्हा दाखल करण्यात आला आहे. 

ही कामगिरी अप्पर आयुक्त (पूर्व प्रादेशिक विभाग) मनोज पाटील, उप आयुक्त (परिमंडळ ४) चुलूमुला रजनीकांत, सह. आयुक्त (खडकी विभाग) ब्रम्हदेव गावडे यांच्या मार्गदर्शनाखाली वरिष्ठ निरीक्षक चंद्रशेखर सावंत, निरीक्षक (गुन्हे) विजय खिल्लारे, सहायक निरीक्षक गणेश रायकर आणि अंमलदार गणेश गायकवाड, बाबा आहेर, किसन शिंगे, संदेश निकाळजे, शरद राऊत, अतुल इंगळे, प्रदीप खरात, गणेश भोईने, गजानन अवातिरक, स्वप्निल मराठे व समीर पवार यांच्या पथकाने केली.

Labels: Pune Police, Baner Police Station, Crime Branch Pune, Illegal Pistol Seized, Balewadi Crime, Pune Crime News

Search Description: Baner Police in Pune arrested two youths from Susgaon and seized 1 country-made pistol along with 2 live cartridges near Patil Nagar, Balewadi.

Hashtags: #PunePolice #BanerPolice #PuneCrime #IllegalWeapons #PistolSeized #Balewadi #MaharashtraPolice #BreakingNewsPermalink Suggestion: baner-police-arrest-two-seize-illegal-pistol-balewadi