पुण्यात कायदा व सुव्यवस्था राखण्यासाठी १४ दिवस कडक मनाई आदेश लागू

पुणे (प्रांतीय वृत्त): पुणे शहरामध्ये विविध राजकीय पक्ष आणि सामाजिक संघटनांचे मोर्चे, धरणे आणि आंदोलने पाहता तसेच आगामी सण-उत्सवांच्या पार्श्वभूमीवर कायदा व सुव्यवस्था राखण्यासाठी संपूर्ण पुणे आयुक्तालय क्षेत्रात १४ दिवसांचा प्रतिबंधात्मक मनाई आदेश लागू करण्यात आला आहे. विशेष शाखेचे पोलीस उपायुक्त डॉ. प्रशांत अमृतकर यांनी महाराष्ट्र पोलीस अधिनियम १९५१ चे कलम ३७ (१) (२) (३) मधील अधिकारांचा वापर करून हा आदेश जारी केला आहे. हा प्रतिबंधात्मक आदेश दिनांक २३ जून २०२६ रोजी मध्यरात्री ००.०१ वाजेपासून ते दिनांक ०६ जुलै २०२६ रोजी रात्री २४.०० वाजेपर्यंत लागू राहील. या कालावधीत शहरात ५ किंवा ५ पेक्षा जास्त लोकांना एकत्र येण्यास, सभा घेण्यास किंवा मिरवणुका काढण्यास सक्षम प्राधिकाऱ्यांच्या पूर्वपरवानगीशिवाय बंदी असेल.

शहरात आगामी काळात होणारे मोहरम, ताजीया, वटपौर्णिमा तसेच अतिक्रमण हटाव मोहिमांमुळे निर्माण होणारी संभाव्य परिस्थिती लक्षात घेऊन सार्वजनिक शांतता अबाधित राखण्यासाठी हे पाऊल उचलण्यात आले आहे. या आदेशानुसार शहरात शस्त्रे, तलवारी, काठ्या, बंदूक, कोणतेही स्फोटक किंवा दाहक पदार्थ बरोबर नेण्यास, जमा करण्यास किंवा तयार करण्यास पूर्ण मनाई आहे. तसेच कोणत्याही पुढाऱ्याच्या किंवा इसमाच्या पुतळ्याचे दहन करणे, चिथावणीखोर भाषणे देणे, शालीनतेच्या विरोधात चित्रे व फलक लावणे यावर कडक बंदी घालण्यात आली आहे. विशेष म्हणजे सोशल मीडियावर गुन्हेगारांचे 'रिल्स' (Reel) बनवून दहशत पसरवणाऱ्यांवर किंवा धमक्या देणाऱ्यांवर या आदेशानंतर कडक कायदेशीर कारवाई आणि जप्तीची शिक्षा लागू केली जाईल. हा नियम सरकारी सेवेतील व्यक्ती आणि लाठ्या बाळगणाऱ्या खाजगी सुरक्षारक्षकांना लागू नसेल. आदेशाचे उल्लंघन करणाऱ्यांवर कलम १३५ नुसार थेट गुन्हा दाखल केला जाईल.

• Labels: Pune Police Order, Prohibitory Orders Pune, Section 37 Order, Law And Order Pune, Public Safety Notification.

• Search Description: Pune Police Deputy Commissioner of Police Special Branch Dr. Prashant Amrutkar issued prohibitory orders in Pune for 14 days under section 37.

• Hashtags: #PunePolice #ProhibitoryOrders #ManiAdesh #LawAndOrder #PublicSafety #Section37 #PuneCityNews