पुणे (प्रांतीय वृत्त): पुणे शहर पोलीस दलाच्या अंमली पदार्थ विरोधी पथक २ ने कोंढवा परिसरात पेट्रोलिंग दरम्यान एका संशयित तस्कराला अटक करून त्याच्याकडून २४,२०० रुपये किमतीचा १२१० ग्रॅम वजनाचा निव्वळ गांजा जप्त केला आहे. या कारवाईत पोलिसांनी आरोपीकडून गांजासह १०,००० रुपये किमतीचा मोबाईल आणि ३,१०० रुपयांची रोख रक्कम असा एकूण ३७,३०० रुपयांचा मुद्देमाल जप्त केला आहे. शहरात अंमली पदार्थ विक्रीच्या अनुषंगाने कडक कारवाई करण्याचे आदेश वरिष्ठांनी दिले होते. त्या अनुषंगाने कोंढवा भागातील पेट्रोलिंग दरम्यान ही कारवाई करण्यात आली.
अंमली पदार्थ विरोधी पथकाचे सहाय्यक पोलीस निरीक्षक अनिल सुरवसे आणि कर्मचारी कोंढव्यातील कमेला परिसरातील जैध जनरल स्टोअर्ससमोर आले असता, एक तरुण संशयास्पदरीत्या थांबलेला दिसला. आसिफ आतिक मेमण असे या २२ वर्षीय आरोपीचे नाव असून, त्याच्या झडतीत बेकायदेशीर विक्रीसाठी बाळगलेला उग्र वासाचा हिरवट रंगाचा गांजा आढळून आला. या प्रकरणी आरोपीविरुद्ध कोंढवा पोलीस ठाण्यात अंमली पदार्थ विरोधी कायदा (NDPS Act) कलमान्वये गुन्हा दाखल करण्यात आला आहे. ही कारवाई अपर पोलीस आयुक्त (गुन्हे) तेजस्वी सातपुते, उपायुक्त गौहर हसन, सहाय्यक आयुक्त शंकर खटके यांच्या मार्गदर्शनाखाली वरिष्ठ निरीक्षक वाहिद पठाण, सहाय्यक निरीक्षक अनिल सुरवसे, सहाय्यक उपनिरीक्षक राजस शेख आणि तपास पथकाने केली.
Labels: Anti Narcotics Cell, Ganja Seized Pune, Kondhwa Crime, Drug Peddler Arrested, Pune Police Anti Drug Drive.
Search Description: Anti-Narcotics Cell Unit 2 of Pune Police arrested a drug peddler in Kondhwa and seized 1.2 kg of Ganja along with cash and mobile.
Hashtags: #DrugFreePune #AntiNarcoticsCell #GanjaSeized #Kondhwa #PuneCrimeNews #NDPSAct #SayNoToDrugs
Reviewed by ANN news network
on
६/२३/२०२६ ०७:५०:०० AM
Rating:
कोणत्याही टिप्पण्या नाहीत: