आई हयात नाही, वडील आणि आजोबा जेलमध्ये; पुण्यात मौजमजेच्या पैशांसाठी लहान मुलगा बनला सायकल चोर!

पुणे/येरवडा, दि. ८ जून २०२६: येरवडा पोलीस ठाण्याच्या हद्दीतील महाराष्ट्र हाउसिंग बोर्ड आणि नागपूर चाळ परिसरातून गेल्या काही दिवसांत गायब झालेल्या सायकलींच्या चोरीचे गूढ उकलण्यात पोलिसांना यश आले आहे. स्वतःच्या मौजमजेसाठी आणि पैशांची गरज भागवण्यासाठी सायकली चोरणाऱ्या एका विधीसंघर्षित बालकाला (अल्पवयीन मुलगा) पोलिसांनी ताब्यात घेतले आहे. या बालकाकडून चोरीच्या तब्बल १५ सायकली हस्तगत करण्यात आल्या असून, जप्त केलेल्या मुद्देमालाची एकूण किंमत १,००,००० रुपये आहे. सीसीटीव्ही फुटेजच्या तांत्रिक तपासणीनंतर आणि गोपनीय बातमीदाराच्या माहितीवरून ही कारवाई करण्यात आली आहे.

प्राप्त शासकीय माहितीनुसार, नागपूर चाळ परिसरात सायकल चोरीच्या वाढत्या तक्रारींनंतर वरिष्ठ पोलीस निरीक्षक अंजुम बागवान यांनी तपास पथकाला तपासाचे आदेश दिले होते. सीसीटीव्ही फुटेज तपासले असता काही लहान मुले या चोऱ्या करत असल्याचे स्पष्ट झाले. दरम्यान, तपास पथकाचे पोलीस अंमलदार बालाजी सोगे व सोमनाथ गायकवाड यांना खास बातमीदाराकडून माहिती मिळाली की, चोऱ्या करणारा मुलगा हा त्याच्या आजीसह नवी खडकी, येरवडा येथे राहतो. पोलिसांनी तात्काळ त्याच्या पालकांशी (आजी) संपर्क साधून मुलाला विश्वासात घेऊन विचारपूस केली.

चौकशी दरम्यान या बालकाने आपली  कहाणी सांगितली; त्याची आई हयात नसून वडील व आजोबा एका गंभीर गुन्ह्यात आधीच येरवडा जेलमध्ये बंद आहेत. घरी सांभाळणारे कोणी नसल्याने व स्वतःच्या मौजमजेसाठी पैसे हवे असल्याने तो चोरीकडे वळला. तो दिवसा परिसराची रेकी करायचा आणि रात्रीच्या वेळी संधी साधून सायकल पळवायचा. 

ही कामगिरी पूर्व प्रादेशिक विभागाचे अपर पोलीस आयुक्त मनोज पाटील, उपायुक्त चिलुमूला रजनिकांत, एसीबीचे सुनील जैतापूरकर यांच्या मार्गदर्शनाखाली वरिष्ठ निरीक्षक अंजुम बागवान, निरीक्षक कैलास डाबेराव, उपनिरीक्षक किशोर बेरड व पथकाने केली आहे.

• Labels: Yerwada Police Station, Bicycle Theft Pune, Juvenile Detained Pune, Crime Branch News, Pune CCTV Identification.

• Search Description: Yerwada Police detained a juvenile boy who stole 15 bicycles worth Rs 1 Lakh from Maharashtra Housing Board and Nagpur Chawl area for fun and money.

• Hashtags: #YerwadaPolice #BicycleTheft #PuneCrime #JuvenileInConflictWithLaw #CCTVFootage #PunePolice