होळकरवाडी येथील तरुण आकाश झांबरे हत्या प्रकरणाचा छडा; तिघांना बेड्या

पुणे: हवेली तालुक्यातील होळकरवाडी येथील तरुण आकाश मारुती झांबरे (वय ३१ वर्षे, रा. झांबरे तालीम चौक) याच्या हत्येचा छडा लावण्यात काळेपडळ पोलिसांना अवघ्या ४८ तासांत यश आले आहे. अज्ञात कारणावरून झालेल्या वादातून मित्रांनीच डोक्यावर व तोंडावर गंभीर वार करून आकाशचा जीव घेतल्याचे तपासात निष्पन्न झाले आहे. याप्रकरणी मुख्य संशयित आरोपी आकाश उर्फ आक्या अशोक भरेकर (वय ३३ वर्षे, रा. मयुर पार्क, हांडेवाडी), संतोष बबन टकले (वय ३४ वर्षे) आणि साहिल अर्जुन कचरावत (वय २६ वर्षे, दोघे रा. हांडेवाडी, पुणे) यांना पोलिसांनी शिताफीने अटक केली आहे. हा गुन्हा २० जून २०२६ रोजी घडला होता आणि याप्रकरणी काळेपडळ पोलीस ठाण्यात भारतीय न्याय संहितेच्या कलम १०३ अन्वये खुनाचा गुन्हा दाखल करण्यात आला होता.

या गुन्ह्याचा समांतर तपास करत असताना काळेपडळ तपास पथकाने घटनास्थळाच्या परिसरातील सीसीटीव्ही कॅमेऱ्यांचे फुटेज आणि तांत्रिक विश्लेषण केले. यावरून सुरुवातीला संशयित आकाश उर्फ आक्या भरेकर याला ताब्यात घेण्यात आले. त्याच्याकडे कसून चौकशी केली असता, त्याने हा गुन्हा त्याचे साथीदार संतोष टकले आणि साहिल कचरावत यांच्या मदतीने केल्याची कबुली दिली. गुन्हा दाखल झाल्यापासून हे दोघेही फरार होते. २२ जून २०२६ रोजी तपास पथकातील अंमलदार दाऊद सय्यद यांना गोपनीय बातमीदारामार्फत माहिती मिळाली की, दोन्ही फरार आरोपी येवलेवाडी येथे आले असून तिथून पळून जाण्याच्या तयारीत आहेत.

माहिती मिळताच तपास पथकाचे अधिकारी आणि अंमलदार यांनी तात्काळ येवलेवाडी परिसरात धाव घेतली. पोलीस आल्याचे पाहताच आरोपी रिक्षात बसून बोपदेव घाटाच्या दिशेने वेगाने पळून गेले. मात्र, पोलिसांनी पाठलाग करून बोपदेव घाटाच्या वाटेवर सापळा रचला आणि दोन्ही आरोपींना शिताफीने ताब्यात घेतले.

सदर कामगिरी अपर पोलीस आयुक्त (पूर्व प्रादेशिक विभाग) मनोज पाटील, उप-आयुक्त (परिमंडळ ६) जीवन बेनिवाल, सहाय्यक आयुक्त (हडपसर विभाग) अतुलकुमार नवगिरे यांच्या मार्गदर्शनाखाली वरिष्ठ निरीक्षक गिरीषा निंबाळकर, निरीक्षक (गुन्हे) अण्णासो बाबर यांच्या सूचनेनुसार सहाय्यक निरीक्षक विलास सुतार, अमित शेटे, अंमलदार प्रविण काळभोर, दाऊद सय्यद, प्रतिक लाहीगुडे, शाहीद शेख, किशोर पोटे, अमोल फडतरे, निलेश देसाई, अतुल पंधरकर, विशाल ठोंबरे, लक्ष्मण काळे, नितिन ढोले, सद्दाम तांबोळी, प्रदिप बेडीस्कर, महादेव शिंदे, गिरीराज जगदाळे आणि अमोल जाधव यांच्या पथकाने केली.

• Labels: Pune Crime, Kalepadal Police Station, Murder Case Solved, Pune Police Action, Holkarwadi Crime

• Search Description: Kalepadal Police solved the Holkarwadi youth Akash Zhambre murder case within 48 hours, arresting three accused from Bopdev Ghat road.

• Hashtags: #PuneCrime #MurderCaseSolved #KalepadalPolice #PunePolice #CrimeUpdate #Hadpsar