अतिक्रमणमुक्त पदपथ पंधरवड्यात महापालिकेची धडक मोहीम; शहरभर व्यापक कारवाई

 

पिंपरी, दि. ५ मे २०२६ : पिंपरी-चिंचवड महानगरपालिकेकडून “अतिक्रमण मुक्त पदपथ पंधरवडा” (१ ते १५ मे) अंतर्गत शहरातील विविध भागांमध्ये अतिक्रमणविरोधी धडक कारवाई सुरू करण्यात आली आहे. आयुक्त डॉ. विजय सूर्यवंशी व अतिरिक्त आयुक्त तृप्ती सांडभोर यांच्या मार्गदर्शनाखाली ही मोहीम राबविण्यात येत असून, उपआयुक्त अतुल पाटील यांच्या नेतृत्वाखाली विविध प्रभागांमध्ये अंमलबजावणी होत आहे.

शहरातील फूटपाथ व रस्त्यांवरील अतिक्रमण हटवून नागरिकांना मोकळा व सुरक्षित मार्ग उपलब्ध करून देणे हा या मोहिमेचा मुख्य उद्देश आहे. यासाठी फ प्रभाग, चिखली, भोसरी, रहाटणी, पिंपळे सौदागर आदी भागांत मोठ्या प्रमाणात कारवाई करण्यात आली.

फ प्रभागात आरटीओ रोड, त्रिवेणी नगर चौक ते तळवडे चौक तसेच देहू-आळंदी रोड परिसरात टपऱ्या, हातगाड्या, स्टँड बोर्ड, प्लास्टिक कॅरेट, टेबल-खुर्च्या आदी साहित्य जप्त करण्यात आले. चिखली परिसरात सत्संग रोड ते पिंगळे चौकपर्यंतचा रस्ता पूर्णपणे अतिक्रमणमुक्त करण्यात आला.

भोसरीतील आळंदी रोड व नाट्यगृह परिसरातही हातगाड्या, इलेक्ट्रिक काटे, कपडे व चप्पलांचे गाठोडे जप्त करण्यात आले. रहाटणी परिसरात जगताप डेअरी ते पिके चौक आणि गोविंद गार्डन परिसरात पाणीपुरी ठेले, कूलर, प्लास्टिक कॅरेट यांसह विविध साहित्य हटवण्यात आले. पिंपळे सौदागर आणि ह झोनमध्येही कारवाईला वेग देण्यात आला आहे.

या मोहिमेदरम्यान जप्त करण्यात आलेला भाजीपाला व फळे इस्कॉन अन्नामृत अन्नछत्र येथे जमा करण्यात आली. टमाटर, भेंडी, बटाटा, मिरची, काकडी यांसह शेकडो किलो भाजीपाला तसेच आंबे, केळी, नारळ यांसारखी फळे अन्नछत्रात देण्यात आली.

महापालिकेने जप्त केलेले साहित्य संबंधित गोडाऊनमध्ये ठेवण्यात आले असून, नागरिकांनी सार्वजनिक रस्ते व फूटपाथ मोकळे ठेवण्यासाठी प्रशासनाला सहकार्य करावे, असे आवाहन करण्यात आले आहे.

या कारवाईत महापालिकेचे अतिक्रमण निरीक्षक, बीट निरीक्षक, अधिकारी, कर्मचारी तसेच एमएसएफ जवान, पोलीस कर्मचारी, कंत्राटी मजूर, ड्रायव्हर व कॅमेरामन यांनी समन्वयाने सहभाग घेतला.

सातत्याने सुरू असलेल्या या मोहिमेमुळे शहरातील वाहतूक व्यवस्था सुरळीत होण्यास आणि पादचाऱ्यांना सुरक्षित, मोकळा मार्ग उपलब्ध होण्यास मदत होत असल्याचे प्रशासनाने स्पष्ट केले आहे.

📰 English Labels 

Encroachment Drive
Pimpri Chinchwad News
Municipal Action
Footpath Clearance
PCMC Updates
Urban Development
Illegal Encroachment
Breaking News India

 Search Description 

Pimpri Chinchwad Municipal Corporation launches a major encroachment removal drive under the “Footpath Free Campaign.” Authorities took strict action across multiple areas, clearing illegal stalls and ensuring pedestrian safety.

 Hashtags 

#PimpriChinchwad #EncroachmentDrive #PCMC #BreakingNews #UrbanIndia #FootpathFree #MunicipalAction #CityDevelopment #PuneNews #SmartCity