बस दुर्घटनेत २० जणांचा जळून मृत्यू; १९ जखमी : भविष्य वर्तवणारा लेख खरा ठरला

 

जैसलमेर: अस्त्र न्यूज नेटवर्कवर केवळ २४ तासांपूर्वी प्रसिद्ध झालेल्या एका भविष्यवेधी लेखातील भाकीत दुर्दैवाने खरे ठरले आहे. राजस्थानातील जैसलमेर ते जोधपूर महामार्गावर काल (दिनांक १४ ऑक्टोबर) एका नवीन कोऱ्या बसने अचानक पेट घेतल्याने भीषण अपघात झाला. या दुर्घटनेत आगीत होरपळून २० प्रवाशांचा दुर्दैवी मृत्यू झाला असून, १६ जण गंभीर भाजले आहेत. ही घटना १३ ऑक्टोबर रोजी 'अस्त्र न्यूज'मध्ये प्रसिद्ध झालेल्या 'आगामी काळातील हवामान, भूगर्भीय आणि सामाजिक आव्हाने' या लेखातील 'आग, अपघात' यांसंदर्भातील धोक्याच्या स्पष्ट इशाऱ्याच्या अवघ्या एका दिवसांनंतर घडली आहे.

अवघ्या पाच दिवसांपूर्वी खरेदी केलेल्या जोधपूरस्थित बसला जैसलमेर-जोधपूर महामार्गावर शॉर्ट सर्किटमुळे आग लागल्याचा प्राथमिक संशय आहे. आगीच्या तीव्र ज्वाळा आणि धुरामुळे प्रवाशांना जीव वाचवण्यासाठी खिडक्या आणि दरवाज्यांवरून उड्या माराव्या लागल्या. ७९ वर्षीय हुसेन खान इब्राहिम खान (जैसलमेर) यांचा जोधपूर येथे पोहोचताच मृत्यू झाला. अपघातानंतर तातडीने २७५ किमी लांबीचा ग्रीन कॉरिडॉर तयार करून जखमींना रुग्णालयात हलवण्यात आले.

अपघातातील १६ जखमींची प्रकृती अत्यंत चिंताजनक आहे, काही प्रवासी ७० टक्क्यांपर्यंत भाजले आहेत. जखमींमध्ये महिपाल सिंग, युनूस, ओमाराम, इक्बाल, भागाबाई, पीर मोहम्मद, इमितिजा, रफिक, लक्ष्मण, उबेदुजा, विशाखा, आशिष, जीवराम, मनोज आणि फिरोज यांचा समावेश आहे. जैसलमेर नगर परिषदेचे सहाय्यक अग्निशमन अधिकारी कृष्णपाल सिंह राठोड यांनी दिलेल्या माहितीनुसार, स्थानिक पोलीस, अग्निशमन दल आणि बचाव पथकांनी तातडीने घटनास्थळी धाव घेऊन अनेक प्रवाशांना वाचवले. गंभीर भाजलेल्या १६ प्रवाशांना जोधपूर येथे हलवण्यात आले असून, त्यापैकी १४ जणांवर महात्मा गांधी रुग्णालयात उपचार सुरू आहेत. बस मालक आणि वाहतूक विभागाने या दुर्घटनेच्या कारणांची चौकशी सुरू केली आहे. पंतप्रधान मोदींसह अनेक नेत्यांनी या दुर्घटनेबद्दल तीव्र शोक व्यक्त केला आहे.

'अस्त्र न्यूज'मध्ये १३ ऑक्टोबर रोजी प्रसिद्ध झालेल्या भविष्यवेधी लेखात आगामी काळात सामाजिक अस्थिरता, अपघात आणि दुर्घटनांचा स्पष्ट धोका वर्तवण्यात आला होता. "शुक्र आणि राहूच्या संयुक्त प्रभावामुळे सणासुदीच्या काळात गर्दी, अपघात आणि दुर्घटनांची शक्यता लक्षणीय वाढेल. अग्नीतून दुर्घटना आणि सामाजिक तणाव वाढू शकतात," असा इशारा या लेखातून देण्यात आला होता. तसेच अनावश्यक गर्दी टाळणे, ऑनलाइन खरेदीला प्राधान्य देणे आणि प्रवास टाळण्याचे आवाहनही करण्यात आले होते.

या घटनेमुळे प्रवाशांना आणि स्थानिक नागरिकांना मोठा धक्का बसला आहे. बस मालक आणि वाहतूक विभागाच्या अधिकाऱ्यांनी तात्काळ तपास आणि मदत कार्य सुरू केले आहे. प्रवाशांच्या सुरक्षिततेसाठी कठोर उपाययोजना करण्याची गरज या दुर्घटनेने अधोरेखित केली आहे.

---

Labels	India, Rajasthan, Bus Accident, Fire Tragedy, Astro Prediction, Road Safety
Search Description	A devastating bus fire on the Jaisalmer-Jodhpur highway claims 20 lives and injures 16 others, occurring just 24 hours after a media report predicted accidents and fire hazards. Short-circuit is suspected.
Hashtags	#JaisalmerBusFire #RajasthanTragedy #BusAccident #RoadSafetyIndia #AstrologyPrediction #FireAccident #JaipurJodhpurHighway