पिंपरी-चिंचवडमध्ये संततधार पाऊस

अनेक भागांत पाणी साचले

पुणे-मुंबई महामार्गावर वाहतूक कोंडी; मेट्रोच्या कामामुळे नागरिकांना त्रास

पवना धरण ९९ टक्के भरले; इंद्रायणी नदीच्या पाणी पातळीत वाढ

पिंपरी, (प्रतिनिधी): पिंपरी-चिंचवड शहरात कालपासून संततधार पाऊस सुरू असल्यामुळे अनेक भागांत पाणी साचले आहे. पिंपळे गुरव, आकुर्डी, भोसरी, ताथवडे आणि चिखली या भागांत रस्त्यांवर मोठ्या प्रमाणावर पाणी साचल्याने नागरिकांना अडचणींचा सामना करावा लागत आहे.

शहरातून जाणाऱ्या पुणे-मुंबई महामार्गावर मेट्रोचे काम सुरू असल्याने मोठ्या प्रमाणावर खड्डे पडले आहेत. यामुळे वाहतूक मंदावली असून, नागरिकांना वाहतूक कोंडीला सामोरे जावे लागत आहे.

शहराला पाणीपुरवठा करणारे पवना धरण ९९ टक्के भरले असून, इंद्रायणी नदीच्या पाणी पातळीतही वाढ झाली आहे.