पर्वती पोलिसांनी सराईत घरफ़ोड्याला ठोकल्या बेड्या

घरफोडीचा गुन्हा उघड; लाखो रुपयांचे प्लंबिंग साहित्य जप्त

हडपसरमधून आरोपीला अटक करण्यात यश

पुणे पोलिसांच्या पर्वती पोलीस स्टेशनने एका घरफोडीच्या गुन्ह्याचा तपास यशस्वीरित्या पूर्ण केला आहे. या प्रकरणी एका आरोपीला अटक करून त्याच्याकडून ९२,८००/- रुपयांचा मुद्देमाल जप्त करण्यात आला आहे.

१० ऑगस्ट २०२५ रोजी पर्वती दर्शन येथील भाग्यलक्ष्मी हार्डवेअरच्या दुकानात रात्रीच्या वेळी घरफोडी झाली होती. अज्ञात चोरट्याने दुकानातून महागडे जाग्वार कंपनीचे प्लंबिंग साहित्य, इन्व्हर्टर बॅटरी आणि रोख रक्कम असा एकूण १,०७,६००/- रुपयांचा माल चोरला होता. या संदर्भात पर्वती पोलीस स्टेशनमध्ये गुन्हा दाखल करण्यात आला होता.

गुन्ह्याचा तपास करत असताना, तपास पथकाला गुप्त बातमीदाराकडून मिळालेल्या माहितीच्या आधारे अक्षय शंकर कांबळे (वय २५, रा. हडपसर) या आरोपीने हा गुन्हा केल्याचे निष्पन्न झाले. पोलिसांनी हडपसर भागातून त्याला अटक केली आणि त्याच्याकडून चोरीचा ९२,८००/- रुपयांचा मुद्देमाल हस्तगत केला.

ही कामगिरी वरिष्ठ पोलीस निरीक्षक नंदकुमार गायकवाड आणि पोलीस निरीक्षक अनिता हिवरकर यांच्या मार्गदर्शनाखाली करण्यात आली आहे.