पंतप्रधान मोदी आणि मुख्यमंत्री फडणवीस यांच्या नेतृत्वावर विश्वास - प्रदेशाध्यक्ष रवींद्र चव्हाण
पालघर जिल्हा भाजपसाठी मजबूत होणार; स्थानिक स्वराज्य संस्थांच्या निवडणुकीत फायदा होण्याची शक्यता
मुंबई, (प्रतिनिधी): पालघर जिल्हा परिषदेचे माजी अध्यक्ष प्रकाश निकम, पालघरचे माजी नगराध्यक्ष आणि राष्ट्रवादी काँग्रेस (शरद पवार गट) नेते नंदकुमार पाटील, आणि त्यांच्या पत्नी रेश्मा पाटील यांनी अनेक समर्थकांसह गुरुवारी भारतीय जनता पार्टीमध्ये प्रवेश केला. भाजप प्रदेशाध्यक्ष रवींद्र चव्हाण यांनी सर्वांचे स्वागत केले.
या प्रवेश सोहळ्यात काँग्रेस, उद्धव बाळासाहेब ठाकरे गट (उबाठा) आणि मार्क्सवादी कम्युनिस्ट पक्षाच्या १० माजी जिल्हा परिषद सदस्यांनी, ५२ सरपंच आणि उपसरपंचांनी तसेच १२३ ग्रामपंचायत सदस्यांनी भाजपमध्ये प्रवेश केला.
यावेळी बोलताना प्रदेशाध्यक्ष रवींद्र चव्हाण म्हणाले की, पंतप्रधान नरेंद्र मोदी आणि मुख्यमंत्री देवेंद्र फडणवीस यांच्या नेतृत्वाखाली सुरू असलेल्या वेगाने विकासकार्यांना साथ देण्यासाठी या सर्वांनी भाजपामध्ये प्रवेश केला आहे. त्यांच्या विश्वासाला तडा जाऊ देणार नाही.
या प्रवेश केलेल्यांमध्ये माजी मंत्री शंकर नम यांचे पुत्र सुधीर नम, माकपचे माजी आमदार राजाराम ओझरे यांचे पुत्र सुधीर ओझरे, जिल्हा परिषदेच्या माजी सभापती सारिका निकम आणि अन्य महत्त्वाच्या नेत्यांचा समावेश आहे.
Palghar
BJP
Political Joining
Prakash Nikam
Nandkumar Patil
#Palghar #BJP #MaharashtraPolitics #RavindraChavan #PoliticalNews
कोणत्याही टिप्पण्या नाहीत:
टिप्पणी पोस्ट करा