पुणे : पुणे शहर पोलीस आयुक्तालयातील कामकाजाचा आढावा घेण्यासाठी आणि कार्यक्षमतेत सुधारणा घडवून आणण्यासाठी, पोलीस आयुक्तांच्या निर्देशानुसार सर्व परिमंडळीय पोलीस उप आयुक्तांनी (DCPs) आठवड्यातून तीन दिवस आपापल्या परिमंडळातील पोलीस ठाण्यांना भेट देणे बंधनकारक करण्यात आले आहे. अपर पोलीस आयुक्त, गुन्हे, पुणे शहर, पंकज देशमुख यांच्या कार्यालयातून २४ जुलै २०२५ रोजी (जा.क्र.अपोआ/गुन्हे/परि.पोउपआ/पो.स्टे. भेट/ ५८२/२०२५) याबाबतचे सविस्तर परिपत्रक जारी करण्यात आले आहे. पोलीस आयुक्तांच्या १३ जानेवारी २०२५ रोजी आयोजित मासिक गुन्हे विषयक बैठकीदरम्यान दिलेल्या सूचनांनुसार हा निर्णय घेण्यात आला आहे.
पुढील आठवड्यासाठी (२९ जुलै ते ३१ जुलै २०२५) भेटींचे वेळापत्रक:
परिमंडळ-१: मंगळवार (२९/०७/२०२५) - फरासखाना, बुधवार (३०/०७/२०२५) - खडक, गुरुवार (३१/०७/२०२५) - शिवाजीनगर.
परिमंडळ-२: मंगळवार (२९/०७/२०२५) - बंडगार्डन, बुधवार (३०/०७/२०२५) - स्वारगेट, गुरुवार (३१/०७/२०२५) - कोरेगाव पार्क.
परिमंडळ-३: मंगळवार (२९/०७/२०२५) - पर्वती, बुधवार (३०/०७/२०२५) - कोथरुड, गुरुवार (३१/०७/२०२५) - उत्तमनगर.
परिमंडळ-४: मंगळवार (२९/०७/२०२५) - खडकी, बुधवार (३०/०७/२०२५) - चतुःश्रृंगी, गुरुवार (३१/०७/२०२५) - चंदननगर.
परिमंडळ-५: मंगळवार (२९/०७/२०२५) - हडपसर, बुधवार (३०/०७/२०२५) - काळेपडळ, गुरुवार (३१/०७/२०२५) - फुरसुंगी.
या भेटींदरम्यान, पोलीस उप आयुक्तांनी तपास अधिकाऱ्यांकडील प्रलंबित असलेले गुन्हे आणि तक्रारी अर्ज यांची दप्तर तपासणी करावी, तसेच ते विनाकारण प्रलंबित राहणार नाहीत यासाठी मार्गदर्शन करावे असे सूचित केले आहे. याव्यतिरिक्त, पोलीस अधिकारी व अंमलदार यांचा दरबार (Interaction Session) घेऊन त्यांच्या अडचणी जाणून घ्याव्यात आणि पोलीस स्टेशनला येणाऱ्या प्रशासनविषयक अडचणी व इतर आवश्यक कामकाजाबाबत पाहणी करावी असेही आदेशात नमूद आहे. कार्यालयाकडून वेळोवेळी दिलेल्या सूचना व आदेशांप्रमाणे पोलीस स्टेशन स्तरावर कार्यवाही होते आहे की नाही, याचीही खात्री करण्याच्या सूचना देण्यात आल्या आहेत.
Pune Police, Police Administration, Law Enforcement, Public Service, Crime Review, Governance
#PunePolice #DCPVisits #PoliceReform #LawAndOrder #PuneNews #PankajDeshmukh #PoliceStationVisit
Reviewed by ANN news network
on
७/२५/२०२५ ०४:५१:०० PM
Rating:
कोणत्याही टिप्पण्‍या नाहीत: