पिंपरी, दि. २६ जून २०२५: जागतिक अमली पदार्थविरोधी दिन आणि अवैध वाहतूक विरोधी दिनाचे औचित्य साधून, जनजागृती अभियानांतर्गत 'Pedal for Drug Deaddiction' या भव्य सायकल रॅलीचे आयोजन करण्यात आले आहे. कल्याणमैत्री बहुउद्देशीय संस्था अंतर्गत स्माईल व्यसनमुक्ती केंद्र, पिंपरी चिंचवड पोलीस आयुक्तालय, अंमली पदार्थविरोधी पथक, पिंपरी चिंचवड आणि रोटरी क्लब ऑफ गोल्डन तळेगाव दाभाडे यांच्या संयुक्त विद्यमाने ही रॅली होणार आहे. ही माहिती कल्याणमैत्री बहुउद्देशीय संस्थेचे संस्थापक - अध्यक्ष हर्षल पंडित यांनी दिली.
रॅलीचा उद्देश आणि मार्ग
व्यसनाधीनतेच्या दुष्परिणामांबद्दल समाजात जागरूकता निर्माण करणे आणि व्यसनमुक्तीसाठी लोकांना प्रोत्साहित करणे हा या सायकल रॅलीचा मुख्य उद्देश आहे.
प्रारंभ: शनिवार, दि. २८ जून रोजी सकाळी ६.३० वाजता पिंपरी चिंचवड पोलीस आयुक्तालय येथून रॅलीला सुरुवात होईल.
समारोप: रॅलीचा समारोप स्माईल व्यसनमुक्ती केंद्र, उरसे येथे होईल.
व्यसनमुक्ती केंद्राचा १७ वर्षांचा प्रवास
कल्याणमैत्री बहुउद्देशीय संस्था अंतर्गत स्माईल व्यसनमुक्ती केंद्र हे गेली १७ वर्षे सातत्याने व्यसनमुक्तीच्या क्षेत्रात कार्यरत आहे. उरसे, ता. मावळ, जिल्हा पुणे येथे संस्थेचे १२० रुग्ण क्षमतेचे निवासी उपचार केंद्र आहे. या संस्थेत रुग्णांना ९० दिवसांच्या निवासी उपचारात वेगवेगळ्या उपचारपद्धती उपलब्ध करून दिल्या जातात. योगोपचार, मानसोपचार, शारीरिक उपचार, समुपदेशन इत्यादींच्या माध्यमातून त्यांना व्यसनमुक्त होण्यास मदत केली जाते.
Drug Deaddiction, Cycle Rally, International Day Against Drug Abuse, Pimpri Chinchwad Police, Smile De-addiction Center, Public Awareness, Community Event
#DrugDeaddiction #CycleRally #InternationalDayAgainstDrugAbuse #PimpriChinchwadPolice #SmileDeaddictionCenter #DrugAwareness #CommunityEvent #PuneEvents
Reviewed by ANN news network
on
६/२६/२०२५ ०९:२८:०० PM
Rating:
कोणत्याही टिप्पण्या नाहीत: