मावळ: शिवसेना खासदार श्रीरंग बारणे यांनी मावळ तालुक्यात विकासकामांचा सपाटा सुरूच ठेवला आहे. त्यांच्या पाठपुराव्याने ग्रुप ग्रामपंचायत आहिरवडे येथील जोडरस्त्यांसाठी ५० लाखांचा निधी मंजूर झाला असून, राष्ट्रीय राजमार्ग ४ ते आहिरवडे जोडरस्त्याच्या सुधारणा कामांचे भूमिपूजन गुरुवारी खासदार बारणे यांच्या हस्ते करण्यात आले.
यावेळी शिवसेना उपजिल्हाप्रमुख शरद हुलावळे, युवासेना मावळ लोकसभा अध्यक्ष विशाल हुलावळे, शिवसेना उपतालुकाप्रमुख धनंजय नवघने, शिवसेना देहूगाव शहरप्रमुख सुनील हगवणे, सरपंच सविता काजळे व उपसरपंच स्वाती पाराटे उपस्थित होते. तसेच नवनाथ हरपुडे, संभाजी शिंदे, भाऊ बराटे, दीपक चव्हाण, सचिन चव्हाण, सतीश इंगवले, मदन शेडगे आणि ग्रामस्थ मोठ्या संख्येने उपस्थित होते.
मावळच्या विकासाला प्राधान्य:
खासदार बारणे यांनी मावळ तालुक्यात, विशेषतः डोंगरभाग आणि आदिवासी पाडे असलेल्या गावांना सर्वाधिक निधी दिल्याचे सांगितले. जिल्हा नियोजन समिती आणि खासदार निधीतून मावळच्या विकासासाठी भरीव तरतूद केली जात आहे. राजमार्ग ४ ते आहिरवडे हा जोडरस्ता सुधारल्यामुळे परिसरातील नागरिकांच्या दळणवळणात मोठी सोय होणार असून, स्थानिक विकासाला गती मिळणार आहे. ग्रामस्थांनी खासदारांच्या या प्रयत्नांचे कौतुक करत त्यांचे आभार मानले.
खासदार बारणे यांच्याकडून कामांचा आढावा:
यावेळी खासदार बारणे म्हणाले की, मावळ तालुका मोठ्या प्रमाणात विस्तारलेला आहे आणि येथे कमी लोकवस्ती असलेली अनेक गावे आहेत. या गावांमध्ये अंतर्गत रस्ते पक्के नसल्यामुळे नागरिकांना अनेक अडचणींचा सामना करावा लागत होता. त्यामुळे गावातील रस्त्यांच्या विकासावर भर दिला जात असून, वाड्या-वस्त्यांपर्यंत रस्ते पोहोचवण्यास प्राधान्य देण्यात आले आहे. दीनदयाळ योजनेअंतर्गत दुर्गम भागातील गावांमध्ये वीज पोहोचवल्याचेही त्यांनी नमूद केले.
राजमार्ग ४ ते आहिरवडे या जोड रस्त्याची दुरवस्था झाली होती आणि स्थानिक नागरिकांनी त्याची दुरुस्ती करण्याची मागणी केली होती. त्यानुसार, या कामासाठी ५० लाख रुपयांचा निधी मंजूर करून कामाला सुरुवात करण्यात आली आहे. हे काम वेगात आणि दर्जेदार पद्धतीने करण्याच्या सूचना संबंधित ठेकेदाराला देण्यात आल्या आहेत. या जोड रस्त्यामुळे परिसरातील नागरिकांच्या दळणवळणाची मोठी सोय होईल, असा विश्वास बारणे यांनी व्यक्त केला. उपस्थित मान्यवरांनीही हे काम लवकरात लवकर पूर्णत्वास नेण्यासाठी सहकार्य करण्याचे आश्वासन दिले.
----------------------------------------------------------------------------------------------------------------------
Maval Development, Infrastructure, Road Construction, MP Shrirang Barne, Ahirwade, Rural Development
#Maval #DevelopmentWorks #ShrirangBarne #RoadConstruction #Ahirwade #RuralDevelopment #Shivsena #PuneDistrict #Infrastructure
Reviewed by ANN news network
on
६/१४/२०२५ ०२:३८:०० PM
Rating:
कोणत्याही टिप्पण्‍या नाहीत: