कोकण खेड युवाशक्तीकडून ३ जुलै रोजी गुणवंत विद्यार्थ्यांचा गौरव सोहळा!

 

सामाजिक बांधिलकी जपत कोकण खेड युवाशक्तीचा प्रेरणादायी उपक्रम

विद्यार्थ्यांनी मोठ्या संख्येने उपस्थित राहण्याचे आवाहन

पिंपरी: कोकण खेड युवाशक्तीच्या वतीने गुणवंत विद्यार्थ्यांच्या सत्कार समारंभ आणि करिअर मार्गदर्शन कार्यक्रमाचे आयोजन करण्यात आले आहे. संस्थेचे अध्यक्ष संदीप साळुंखे यांनी ही माहिती दिली. हा कार्यक्रम गुरुवार, दिनांक ०३ जुलै रोजी सायंकाळी ४ ते ८ या वेळेत श्री दत्त मंदिर सांस्कृतिक हॉल, संभाजीनगर, थरमॅक्स चौक, चिंचवड येथे होणार आहे. यावेळी दहावी आणि बारावी उत्तीर्ण झालेल्या विद्यार्थ्यांचा विशेष सत्कार करण्यात येणार आहे.

या कार्यक्रमाच्या आयोजनामागील उद्देश स्पष्ट करताना संदीप साळुंखे म्हणाले की, प्रतिकूल परिस्थितीवर मात करत, मोठ्या मेहनतीने यश संपादन केलेल्या विद्यार्थ्यांच्या पाठीवर कौतुकाची थाप पडावी आणि त्यांचा आनंद द्विगुणीत व्हावा, ही या सत्कार समारंभामागील मुख्य भावना आहे. विद्यार्थ्यांच्या यशाचे कौतुक केल्याने त्यांच्यामध्ये एक प्रकारचा उत्साह आणि नवी ऊर्जा निर्माण होते, असेही ते म्हणाले.

कोकण खेड युवाशक्ती ही संस्था आजवर विविध सामाजिक उपक्रम यशस्वीरित्या राबवत आली आहे. गरजूंना मदत करणे, शाळेतील विद्यार्थ्यांना शालेय वस्तूंचे वाटप करणे, रक्तदान शिबिरे आयोजित करणे यांसारखे अनेक स्तुत्य उपक्रम संस्थेने घेतले आहेत. दरवर्षी गुणवंत विद्यार्थ्यांच्या सत्काराचे आयोजनही नियमितपणे करण्यात येते.

या कार्यक्रमासाठी कोकण खेड तालुक्यातील पुण्यात वास्तव्यास असलेल्या आणि नुकत्याच दहावी व बारावी उत्तीर्ण झालेल्या विद्यार्थ्यांनी आपली नावे संतोष  कदम (९८६००८१८५९), अंकुर  चव्हाण (७६६६७४११४७), आणि सूरज  उतेकर (९७६७६७६७८२) यांच्याकडे जमा करावीत, असे आवाहन संदीप साळुंखे यांनी केले आहे. तसेच, या प्रेरणादायी कार्यक्रमाला मोठ्या संख्येने उपस्थित राहण्याचे आवाहनही त्यांनी केले आहे.

 Student Felicitation, Career Guidance, Youth Empowerment, Social Event, Pune News

 #KokanKhedYuvaShakti #StudentFelicitation #CareerGuidance #PuneEvents #YouthEmpowerment #Pimpri #Education #SocialInitiative