रविराज काळे यांच्यावर 'आप'ने सोपवली शहराची जबाबदारी; शहराध्यक्षपदी नियुक्ती जाहीर

 

पिंपरी (प्रतिनिधी), २३ जून २०२५: आम आदमी पार्टी (आप) पिंपरी-चिंचवड शहराध्यक्षपदी रविराज काळे यांची नियुक्ती जाहीर करण्यात आली आहे. आगामी महानगरपालिका निवडणुकीपूर्वी पक्षाने घेतलेला हा एक महत्त्वाचा निर्णय मानला जात आहे. एक सामान्य घरात वाढलेला, संघर्षमय जीवनातून पुढे आलेला आणि आजच्या तरुणांमध्ये लोकप्रिय ठरलेला चेहरा म्हणून रविराज काळे यांच्यावर 'आप'ने शहराची जबाबदारी सोपवली आहे. पक्षाच्या वरिष्ठ नेतृत्वाने घेतलेल्या या निर्णयाचे शहरभर स्वागत होत आहे.

नियुक्तीची घोषणा आणि काळे यांची पार्श्वभूमी: 

आम आदमी पार्टी महाराष्ट्रचे प्रभारी प्रकाशजी जरवाल, प्रदेश कार्यकारिणी अध्यक्ष अजित फाटके पाटील, प्रदेश सचिव डॉ. अभिजित मोरे, प्रदेश सह-सचिव अॅड. सागर पाटील यांनी रविराज काळे यांची नियुक्ती जाहीर केली. रविराज काळे हे गेल्या अनेक वर्षांपासून सामाजिक कार्यात आणि तरुणांच्या आंदोलनांमध्ये सक्रिय आहेत. शिक्षणासाठी गावातून पुण्यात आलेल्या या युवकाने आपल्या जिद्द, चिकाटी आणि सामाजिक जाणिवेच्या बळावर स्वतःची वेगळी ओळख निर्माण केली आहे. त्यांनी अनेक वेळा रस्त्यावर उतरून बेरोजगारी, महागाई, भ्रष्टाचार, महिला सुरक्षेसारख्या विषयांवर आवाज उठवला आहे.

'ईमानदारी आणि जनसेवा' हेच ध्येय:

त्यांच्या या कार्याचा योग्य गौरव करत पक्षाने त्यांच्यावर विश्वास टाकत ही जबाबदारी सोपवली आहे. यापूर्वी त्यांनी आम आदमी पार्टीच्या युवक शहराध्यक्षपदाची जबाबदारी सांभाळली आहे. या नियुक्तीनंतर बोलताना रविराज काळे म्हणाले, "पक्षाच्या 'ईमानदारी आणि जनसेवा' या तत्वांशी एकनिष्ठ राहून मी सर्व कार्यकर्त्यांना सोबत घेऊन काम करेन. हे फक्त पद नाही, तर माझ्यासाठी जबाबदारी आहे. सामान्य जनतेचा आवाज बनण्याची ही संधी मला मिळाली आहे आणि मी माझ्या सर्व शक्तीनिशी शहरातील प्रत्येक नागरिकाच्या हितासाठी झटणार आहे."

पिंपरी-चिंचवडमध्ये 'आप' सक्षम पर्याय म्हणून उभा राहील: 

आगामी काळात होणाऱ्या पिंपरी-चिंचवड महापालिका निवडणुकांमध्ये आम आदमी पार्टीला सक्षम आणि पारदर्शक पर्याय म्हणून उभं करण्याचा त्यांचा कटाक्ष आहे. पक्षात नव्या चेहऱ्यांना वाव देणे, स्थानिक प्रश्नांवर प्रामाणिकपणे लढणे आणि प्रशासनाला उत्तरदायी बनवणे, या अजेंड्यावर पक्ष शहरात काम करेल. "आम आदमी पार्टी पिंपरी-चिंचवडमध्ये नव्या उमेदीने आणि नव्या ऊर्जा घेऊन काम करणार आहे. पक्षाचे विचार आणि ध्येय सामान्य नागरिकांपर्यंत पोहोचवून त्यांना पर्याय देण्याचा प्रयत्न शहर पातळीवर अधिक प्रभावीपणे करणार आहे," असे रविराज काळे यांनी म्हटले आहे.

Aam Aadmi Party (AAP), Pimpri-Chinchwad, Raviraj Kale, City President, Municipal Corporation Elections, Prakash Jarwal, Ajit Fatke Patil, Dr. Abhijit More, Sagar Patil, Youth Leader, Social Work, Transparency, Public Service, Corruption. 

 #AamAadmiParty #AAP #PimpriChinchwad #RavirajKale #MunicipalElections #PoliticalNews #MaharashtraPolitics #PublicService