आझम कॅम्पसमध्ये ११ वा आंतरराष्ट्रीय योग दिन उत्साहात साजरा; दोन हजारांहून अधिक विद्यार्थ्यांचा सहभाग

 

डॉ. पी. ए. इनामदार युनिव्हर्सिटी आणि महाराष्ट्र कॉस्मोपॉलिटन एज्युकेशन सोसायटीचा संयुक्त उपक्रम यशस्वी

पुणे, २१ जून २०२५: महाराष्ट्र कॉस्मोपॉलिटन एज्युकेशन सोसायटी (आझम कॅम्पस) आणि डॉ. पी. ए. इनामदार युनिव्हर्सिटी यांच्या संयुक्त विद्यमाने आज, शनिवारी सकाळी ८ ते १० या वेळेत ११ वा आंतरराष्ट्रीय योग दिन उत्साहात साजरा करण्यात आला. या भव्य योग प्रात्यक्षिक कार्यक्रमात आझम कॅम्पसमधील शाळा, कनिष्ठ महाविद्यालये आणि उच्च शिक्षण संस्थांमधील दोन हजारांहून अधिक विद्यार्थी-विद्यार्थिनी तसेच शिक्षकवृंद यांनी उत्स्फूर्त सहभाग घेतला.

यावेळी महाराष्ट्र कॉस्मोपॉलिटन एज्युकेशन सोसायटीच्या उपाध्यक्ष आबेदा इनामदार, सचिव प्रा. इरफान शेख, आझम स्पोर्ट्स अकादमीचे संचालक डॉ. गुलझार शेख, राज मुजावर, रोशनआरा शेख, असफिया अन्सारी, सल्तनत पटेल, गझाला मुल्ला, धनंजय पालने, समरीन शेख, सुभाष खंडाळे यांच्यासह विश्वस्त, पदाधिकारी, प्राचार्य, मुख्याध्यापक आणि शिक्षक मोठ्या संख्येने उपस्थित होते.

योग प्रशिक्षकांच्या मार्गदर्शनाखाली विद्यार्थ्यांनी सूर्यनमस्कार, प्राणायाम आणि विविध योगासनांचे प्रात्यक्षिक सादर केले. आरोग्यदायी जीवनशैली, मानसिक स्थैर्य आणि शारीरिक तंदुरुस्तीसाठी योगाचे महत्त्व अधोरेखित करणारा हा उपक्रम यशस्वी ठरला. उपस्थित मान्यवरांनी विद्यार्थ्यांना नियमित योगाभ्यास करण्याचे आवाहन केले.

याचबरोबर, आबेदा इनामदार वरिष्ठ महाविद्यालयाच्या एनसीसी विद्यार्थ्यांनी महात्मा फुले वाडा येथेही योग प्रात्यक्षिके सादर केली. यावेळी डॉ. यासिन शेख, आर. के. चव्हाण, डॉ. शैला बुटवाला, डॉ. विलास वाहणे यांचीही उपस्थिती होती. या उपक्रमांमुळे योगाचे महत्त्व सर्वसामान्यांपर्यंत पोहोचण्यास मदत झाली.

=========================================================

Pune, International Yoga Day, Azam Campus, Maharashtra Cosmopolitan Education Society (MCES), Dr. P.A. Inamdar University, Yoga Practice, Students, Teachers, Surya Namaskar, Pranayama, Mental Stability, Physical Fitness, Mahatma Phule Wada, NCC Cadets.

 #InternationalYogaDay #YogaDay2025 #Pune #AzamCampus #Yoga #HealthAndWellness #StudentParticipation #Maharashtra