श्री कसबा गणपती सामाजिक संस्थेकडून १२५ गरजू विद्यार्थी दत्तक

 

पुणे, २२ जून २०२५: पुणे शहराचा मानाचा पहिला श्री कसबा गणपती आणि श्री कसबा गणपती सामाजिक संस्थेतर्फे गरजू विद्यार्थ्यांसाठी राबवण्यात येणाऱ्या दत्तक योजनेअंतर्गत यंदा (२०२५ मध्ये) १२५ विद्यार्थ्यांना दत्तक घेण्यात आले आहे. गेली २२ वर्षांपासून संस्थेचा हा उपक्रम सुरू असून, या निधीतून विद्यार्थ्यांची शैक्षणिक मदत पूर्ण केली जाते. हा कार्यक्रम पुण्यात नुकताच संपन्न झाला.

या कार्यक्रमात १२५ गरजू विद्यार्थ्यांना शैक्षणिक शुल्क आणि स्टेशनरीचे वाटप करण्यात आले. यात पुण्यातील रमणबाग, हुजूरपागा, अहिल्यादेवी आणि विमलाबाई गरवारे अशा अनेक नामवंत शाळांमधील विद्यार्थ्यांना मदत करण्यात आली.

कार्यक्रमाला प्रमुख पाहुणे म्हणून बॅंक ऑफ इंडियाचे विभागीय अधिकारी संजय कदम, प्रताप टेक्स-केमचे सीईओ कुणाल मराठे, एसीए ग्लोबल इंडियाचे प्रमुख पारस पारेख आणि सूर्यदत्ता इन्स्टिट्यूटचे प्रमुख संजय चोरडीया उपस्थित होते. श्रीकांत शेटे, कसबा गणपती मंडळ अध्यक्ष, हे देखील यावेळी उपस्थित होते.

याप्रसंगी, बँक ऑफ इंडिया एम्प्लॉईज फ्रेंड सर्कलतर्फे सर्व सहभागी विद्यार्थ्यांचा रिकरिंग डिपॉझिटचा (RD) पहिला हप्ता भरण्यात येणार असल्याची घोषणा करण्यात आली. तसेच, दहा झाडे वर्षभर जगवल्याबद्दल श्री पारेख सर यांच्या हस्ते शिशुविहार कर्वे संस्था या शाळेला दहा हजार रुपयांचे अनुदान देऊन गौरवण्यात आले.

यावेळी उपस्थित पाहुण्यांनी पालक आणि विद्यार्थ्यांना मार्गदर्शन केले. शहरातील विविध शाळांमधील विद्यार्थी त्यांच्या पालकांसह या कार्यक्रमाला मोठ्या संख्येने उपस्थित होते. श्री कसबा गणपती सामाजिक संस्थेचा हा उपक्रम गरजू विद्यार्थ्यांच्या शिक्षणाला हातभार लावून त्यांना उज्ज्वल भविष्यासाठी प्रोत्साहन देत आहे.

Pune, Shri Kasba Ganpati Social Sanstha, Student Adoption Scheme, Education Aid, Financial Assistance, Educational Fees, Stationery, Ramanbagh School, Hujurpaga School, Ahilyadevi School, Vimalabai Garware School, Bank of India, Pratap Tex-Chem, ACA Global India, Suryadatta Institute, Shishu Vihar Karve Sanstha, R.D. Scheme. 

 #Pune #KasbaGanpati #StudentAdoption #EducationAid #SocialInitiative #StudentWelfare #CommunityService #EducationForGood