पुणे, २१ जून २०२५: पंढरपूरच्या पायी वारीला प्रत्यक्ष जाणे शक्य नसले तरी, शनिवार पेठेतील डेक्कन एज्युकेशन सोसायटीच्या एन.ई.एम.एस. शाळेच्या विद्यार्थ्यांनी आज (शनिवार, २१ जून) वारीमध्ये आलेल्या वारकऱ्यांची 'माऊली सेवा' केली. दिंडी क्रमांक ४३ यांचा मुक्काम असलेल्या हसबनीस बखळ येथील गाडगीळ शाळेत विद्यार्थ्यांनी भेट देऊन वारकऱ्यांची सेवा केली.
यावेळी मुख्याध्यापिका श्रीमती हेमांगी देशमुख आणि शिक्षकांच्या समवेत विद्यार्थ्यांनी वारकऱ्यांना प्रश्न विचारून त्यांचे अनुभव जाणून घेतले. तसेच, शाळेत स्वतः बनवलेल्या शेंगदाण्याच्या लाडूंचे पर्यावरणपूरक कागदी पिशव्यांमधून वारकऱ्यांना वाटप केले.
याप्रसंगी विद्यार्थ्यांनी ह.भ.प. गोविंद महाराज केंद्रे आळंदी यांचे उत्तराधिकारी ह.भ.प. विष्णू महाराज केंद्रे यांच्याशी संवाद साधला आणि त्यांचे आशीर्वाद घेतले. श्री. संतोषनाम जोशी यांच्या सहकार्यातून हा समाजोपयोगी उपक्रम यशस्वीरित्या पार पडला. एन.ई.एम.एस. शाळेच्या या उपक्रमातून विद्यार्थ्यांमध्ये सामाजिक बांधिलकी आणि सेवाभावाची भावना रुजविण्याचा प्रयत्न करण्यात आला.
---------------------------------------------------------------------------------------------------------------
Pune, N.E.M.S. School, Warkari Seva, Pandharpur Wari, Dindi, Hasbannis Bakhal, Gadgil School, Groundnut Laddoo, Environmental Friendly Bags, H.B.P. Vishnu Maharaj Kendre, Hemangi Deshmukh.
#Pune #WarkariSeva #NEMSSchool #PandharpurWari #Dindi #MauliSeva #StudentInitiative #SocialService
Reviewed by ANN news network
on
६/२१/२०२५ ०५:५८:०० PM
Rating:
कोणत्याही टिप्पण्‍या नाहीत: