पिंपरी चिंचवड: आकुर्डीतील विजन वाटिका सोसायटीमध्ये एका घरातून सुन आणि नातीने बनावट चावीचा वापर करून ६ लाख ८५ हजार रुपये किमतीचे १०६ ग्रॅम वजनाचे सोन्याचे दागिने चोरल्याचा धक्कादायक प्रकार समोर आला आहे.
या प्रकरणी एका महिला फिर्यादी (वय ६२ वर्ष, गृहिणी, रा. विजन वाटिका सोसायटी, विठ्ठलवाडी, आकुर्डी, पुणे) यांनी तक्रार दिली आहे. आरोपींमध्ये अंजु शैलेश चव्हाण (वय ३२ वर्षे, रा. वाईकर चाळ, विठ्ठलवाडी, आकुर्डी) आणि एक महिला आरोपी (नात, रा. सदर) यांचा समावेश आहे. आरोपी अंजु शैलेश चव्हाण हिला अटक करण्यात आली आहे.
दि. ०२/०४/२०२५ रोजी सकाळी ०७:०० वाजण्याच्या सुमारास विजन वाटिका सोसायटी, विठ्ठलवाडी, आकुर्डी येथे ही घटना घडली. फिर्यादींचे राहते घर कुलूप लावून बंद असताना, आरोपी सुन अंजु शैलेश चव्हाण आणि नात गितांजली शैलेश चव्हाण यांनी आपसात संगनमत करून फिर्यादीच्या घराचे कुलूप बनावट चावीने उघडले. त्यानंतर, कपाटात ठेवलेल्या सुटकेसमधील ६,८५,०००/- रुपये किमतीचे १०६ ग्रॅम वजनाचे सोन्याचे दागिने फिर्यादीच्या संमतीशिवाय चोरून नेले.
या प्रकरणी निगडी स्टेशनमध्ये गुन्हा क्रमांक १७६/२०२५ अन्वये भारतीय न्याय संहिता कलम ३०४ (चोरी), ३ (४) (गुन्हेगारी कट) प्रमाणे गुन्हा दाखल करण्यात आला आहे.
पुढील तपास हवालदार कोळी करत आहेत.
- ---------------------------------------------------------------------------------------------------
- Theft, Burglary, Family Crime, Jewellery Theft, Pimpri Chinchwad, Nigdi
- #JewelleryTheft, #AkurdiCrime, #PimpriChinchwad, #Burglary, #FamilyCrime
Reviewed by ANN news network
on
६/११/२०२५ ०८:१०:०० AM
Rating:
कोणत्याही टिप्पण्या नाहीत: