पुणे: पुणे रेल्वे स्टेशन परिसरातील अलंकार सिनेमाजवळ एका पादचाऱ्याचा ८,०००/- रुपये किमतीचा मोबाईल जबरीने चोरल्याची घटना घडली आहे.
मिळालेल्या माहितीनुसार, फिर्यादी हे पुणे रेल्वे स्टेशन, अलंकार सिनेमाजवळ थांबले असताना, मोटारसायकलवरून आलेल्या दोन अनोळखी इसमांनी त्यांच्याजवळ येऊन त्यांच्या हातातील मोबाईल जबरीने हिसकावून नेला.भारतीय न्याय संहिता (BNS) कलम ३०४(२), ३ (५) अंतर्गत या प्रकरणी गुन्हा दाखल करण्यात आला आहे.
या घटनेनंतर बंडगार्डन पोलिसांनी तातडीने तपास सुरु केला आहे. पोलीस उपनिरीक्षक धीरज गुप्ता या प्रकरणाचा तपास करत आहेत. रेल्वे स्टेशनसारख्या वर्दळीच्या ठिकाणी अशा घटना घडत असल्याने प्रवाशांच्या सुरक्षेबाबत प्रश्नचिन्ह निर्माण झाले आहे. पुणे शहर पोलीस अशा प्रकारच्या चोऱ्या रोखण्यासाठी उपाययोजना करत असून, नागरिकांना सतर्क राहण्याचे आवाहन करत आहेत.
Mobile Robbery, Street Crime, Pune City Police, Bundgarden Police Station, Theft, Pune Railway Station, Maharashtra
#PunePolice #MobileRobbery #StreetCrime #BundgardenPolice #PuneRailwayStation #Theft #Maharashtra
Reviewed by ANN news network
on
६/०९/२०२५ ०५:१५:०० PM
Rating:
कोणत्याही टिप्पण्‍या नाहीत: