ठाणे - पॉन्झी स्किममध्ये गुंतवणुकीचे आमिष दाखवून १२४ गुंतवणूकदारांची ९१ कोटी, ६३ लाख, ७१ हजार ४७ रुपयांची फसवणूक करणाऱ्या टोळीचा प्रमुख आरोपी पराग अशोककुमार शहा याला ठाणे पोलिसांच्या आर्थिक गुन्हे शाखेने नारायणगाव, पुणे येथून अटक केली आहे.
आरोपींनी 'क्यु फोन ॲप' कंपनीद्वारे Google साठी अनेक ॲप्स तयार करून त्यावरील जाहिरातींमधून प्रचंड डॉलर्समध्ये परतावा मिळतो, अशी पॉन्झी स्किम राबवली होती. मे २०२० ते जानेवारी २०२४ दरम्यान या 'डिजिटल इन्व्हेस्टमेंट' योजनेत अनेक लोकांची फसवणूक केली गेली.
वर्तकनगर पोलीस स्टेशनमध्ये दाखल झालेल्या गुन्ह्यात मुख्य आरोपी पराग शहा याचा सक्रिय सहभाग निष्पन्न झाल्यामुळे त्याला आरोपी बनवण्यात आले होते. आर्थिक गुन्हे शाखेने कौशल्याने त्याचा ठावठिकाणा शोधून त्याला पुणे येथून ताब्यात घेतले आहे.
न्यायालयाने त्याला ११ जून २०२५ पर्यंत पोलीस कोठडी रिमांड मंजूर केला आहे. या गुन्ह्यात शेकडो गुंतवणूकदारांनी गुंतवणूक केली असल्याचे तपासात दिसून येत आहे.
----------------------------------------------------------------------------------
#MumbaiPolice #CrimeNews #CyberCrime #DigitalArrest #PonziScheme #TheftArrest #SecurityAlert #LawEnforcement #FraudPrevention #PoliceAction #Maharashtra #ThanePolice #Investigation #CrimeBusters #PublicSafety
Reviewed by ANN news network
on
६/०६/२०२५ ०३:१३:०० PM
Rating:
कोणत्याही टिप्पण्या नाहीत: