मुंबई : गुन्हे शाखा, मुंबई यांनी अभिलेखावरील गंभीर गुन्ह्यातील आरोपीला ताब्यात घेऊन ११ गुन्हे उघडकीस आणले आहेत.
आरोपी शिवा आरमोगन शेटटी, जो कांजूरमार्ग पोलीस ठाणे हद्दीत राहत होता, त्याला २२ जानेवारी २०२२ रोजी कांजूरमार्ग पोलीस ठाण्यात दाखल असलेल्या गुन्ह्यातून जामीन मिळाला होता.
आरोपीवर जबरी चोरी, घरफोडी, खुनाचा प्रयत्न यांसारखे गंभीर गुन्हे दाखल असल्याने कक्ष-७ कार्यालयाकडून त्याच्या राहत्या पत्त्यावर जाऊन त्याची तपासणी केली जात होती.
कक्ष-७ च्या पथकाला माहिती मिळाली की आरोपी कळवा, ठाणे येथे पत्नीसह भाड्याच्या खोलीत राहत आहे.
अटक केलेल्या आरोपीचे नाव शिवा आरमोगन शेटटी असून तो कांजूरमार्ग, भांडूप पूर्व येथे राहत होता.
ही कामगिरी पोलीस आयुक्त (बृहन्मुंबई) श्री. देवेन भारती, पोलीस सह आयुक्त (गुन्हे) श्री. लखमी गौतम, अपर पोलीस आयुक्त (गुन्हे) श्री. शैलेश बलकवडे, पोलीस उप आयुक्त (प्रकटीकरण-१) श्री. विशाल ठाकूर आणि सहाय्यक पोलीस आयुक्त (डी-पूर्व) श्री. चंद्रकांत जाधव यांच्या मार्गदर्शनाखाली पार पडली.
यामध्ये पोलीस निरीक्षक श्री. आत्माजी सावंत, महिला पोलीस निरीक्षक राजश्री बाळगी, स.पो.नि. धनाजी साठे, पो.उप.नि. स्वप्निल काळे, महेश शेलार, नामदेव परबळकर आणि इतर पोलीस कर्मचाऱ्यांचा समावेश होता.
----------------------------------------------------------------------------------------------------------------------------------------------------- #Mumbai #Crime #Arrest #Theft #Robbery #Maharashtra #Police
Reviewed by ANN news network
on
५/३१/२०२५ ०४:५५:०० PM
Rating:
कोणत्याही टिप्पण्‍या नाहीत: